[la-vierge]

مرحبا


أول شي أنا هالموضوع اجى عبالي فجأة ما بعرف أذا فكر فيه حدى منكم او كلياتكون أو ما فكرتو فيه
المهم اني حبيت أكتبو و بتمنى بالآخر شوف ردودكون و تعليقاتكون
أنا فكرت بهالموضوع لما حبيت أحكي شي و ما لقيت حدى يسمع
حبيت قول كل اللي بقلبي و ما عرفت كيف قولو
في عبأ على ظهري من زمان و تعبت من حملو و ما في حدى بيحملو معي
ما لقيت الصديق اللي ممكن قلو عاللي بقلبي و اللي بفكر فيه
ما بعرف ليه ما فكرت قول الشي اللي زاعجني و اللي ما بحبو و اللي قاتلي قلبي و كياني و قاهرني و مخليني
بعالم الغموض اللي محبوسة انا فيه


المهم انا حبيت شوف اذا انتو كمان بتواجهو نفس المشكلة؟
اذا كنتو مثلي ممكن يكون هالموضوع بيشجع انك تفش عاللي بقلبك
و اللي ما بتواجهو هالمشكلة ممكن تساعدونا على اننا نتخطى هالمشكلة؟


أنا اللي بقلبي مكتوم من زمان و عم بيتراكم يوم عن يوم سنة بعد سنة
و بخاف شي يوم يجي بفكر.............لاني عن جد فكرت بهيك حل
ممكن بعدي عن الام اللي بتخليني احس بدقات قلبا اللي بتدق مشاني
ممكن ترك ابي الي اللي خلاني اكرهو رغم اني دايما بسأل حالي عن جد انت بتكرهيه؟لا مستحيل تكرهي
بيك رغم كل اللي عملو مستحيل بس فحالات الغضب بتمنى موتو بتمنى لو راح مع امي على الاقل
بقول انو لو كان عايش كان رح يحبني و يضمني بس لما بشوف الواقع بحس انو ما بيستاهل شي
ما بيستاهل تضحية امي بحياتا مشان تخليه اب و هو رغم هالتضحية ما خلاو يكون اب بكل ما تحمل هذه
الكبمة من معنى
غالبا بنزعج لانو من حظي اني عايشة غريبة و رح ضل غريبة طول عمري

هيدا اللي بقلبي بهالوقت و اللي قدرت عبر عليه ولو باسلوب سيئ و مو راقي بس على الاقل و من ناحيتي وصلت بعض الاشيا اللي ما بقدر قولا

فبتمنى يكون هذا تشجيع للاخرين انون يحكو عاللي بقلبون
و للاشخاص اللي ما بدون يدخلو حدى بحياتون و يخبروهون باسرارون على الأقل يحكو كلمتين يواسوني
و كل اللي مثلي او اكثر مني ممكن


ممنونة إلكون و على كل الردود سلفا