بصراحة الحق عالطلاب لأنو هيك مناظر ما ممكن تكون ناتجة غير عن اللي ساكنين , و طبعا المسؤولين عن السكن الجامعي ما رح ييجو يقدموا room service , الطلاب هني اللي لازم يتعاونوا و ينضفوا ليصير المنظر و العيشة مقبولين نوعا ما , طبعا ما بنكر أنو المساكن الطلابية كمساكن سيئة بس الشغلة تلت أرباعا شغلة نظافة و هيي بإيد الطلاب
يعني حتى بأوروبا ممكن ينشاف مناظر وساخة متل هيك بالمساكن الجامعية(مع التحفظ على كلمة "متل" طبعا لأنو ما خرج قارن ,يعني بس مشان حط العالم بالصورة أنو هي ممكن تصير بأي مكان) يعني بزمانو رحت عالمسكن الجامعي اللي كان ساكن في أخي من زمان بألمانيا و لما شفت المطبخ غط على قلبي لأنو فعلا كان بحالة مزرية و بتقرف و بيقرف الواحد حتى يقرب بس بعدين اتفقوا طلاب المسكن أنو ينظفوه و فعلا كلن تعاونوا و تحول المطبخ لشي مختلف تماما تماما ... يعني آخر شي الواحد إذا تعب حالو شوي بيقدر يحسن الوضع شوي
ما هيك ؟
بعدين هادا بيصير كتير بمساكن الشباب لأنو الشباب بطبعن ما كتير بيفطنوا لمسألة التنضيف