اقتباس:
كاتب النص الأصلي : أسير التشرد
شحطنا عن السؤال كتير... لانو الحديث يجر الحديث
المهم يا أحبة...
هلأ من رأي عزيزي غابرييل بفهم انو النفس الانسانية هي اللي صنفت الخير والشر...
وكمان استفدنا من رأيك انو الانسان هو اللي طرح فكرة الله..
شكراً كتير ع الاضافة والمساهمة غابرييل...
وبرجو منك انك تفصل اكتر اذا امكن من رأيك بموضوع طرح الانسان الواعي لفكرة الله...
لحتى نستفيد من رأيك
تحياتي لكم...
|
انت بتأر امر أسير
من أقدم العصور من أول ما بدا الانسان يوعى على الدنيي حس انه لنار بتملك من القوة ما لا يملكه الانسان
يعني حس انها اقوى منه فبدا بعبادتها
بس بعد ما اكتشف من شو بتتكون حس انه شخص سخيف فبدا بالتفتيش عن شي آخر لا يمكن السيطرة عليه ليبدا بعبادته
لأن الانسان بطبيعته بحب يكون تابع لشخص أو لشيء اقوى منه
فلجا الى الحجارة والصخور وهيك شغلات فمنشوف انها عبد القمر والشمس والكواكب
بعد اكتشاف القمر واستبيان انه كوكب ليس أكتر ولا اقل
اتجه الانسان نحو شي جديد وهو ما يسمى بعصر تعدد الآله فبدا يحط لكل شي آله خاصة فيه متل عشتار ( آله الخصب ) او جوبيتر ( اله العدل ) أو ........
وشكل لهاي الآلهة طبيعة الهية بحيث كان لك منهم عمل ووظيفة عينة وقام بوصفا بصفات مختلفة بحيث انها تبقى فوق مقدرة البشر متل العيون الستة والأجنحة الكثيرة .
لكن اليهودية بالتحديد جاءت بفكرة التوحيد فكرة عبادة الله الواحد القادر على كل شي
مستندين الى مبدا ان الطبيعة عنصر متكامل لا يوجد فيه تناقض فهي بالتأكيد من صنع شخص واحد شخص قادر على كل شيء شخص وجد فيه الانسان ما يطمح اليه وهو ما دعي الله
وقام الانسان باضافة صفات جديدة لها القوى العظيمة
متل الحكمة المحبة الصبر القوة العدل وهيك شغلات .
هاد كان قصدي بقكرة خلق الله من قبل الانسان الوعي
