اقتباس:
|
امتى بتكون مبسوط و امتى بتكون زعلان؟؟
|
جوابي شوي غبي حاسو بس ما عندي غيرو:
بكون مبسوط لما ما بكون زعلان, و بكون زعلان لما في شي يستوجب الزعل
اقتباس:
|
برأيك شو سلبيات و ايجابيات اخوية؟؟
|
أخوية مجتمع صغير بايجابيات المجتمع و مساوئو. يعني نتميّز بتنوّع فكري و ابداعي غير موجود بمنتدى آخر (حتى منتديات من يعتبرون أنفسهم "نخبة")
يمكن السوء الوحيد هو انو نسعى للمثالية (و هاد شي مو سيئ بحد ذاتو) بس بشكل مبالغ... يعني أحيانا شغلات صغيرة عادية بتحسسنا بالاحباط
اقتباس:
|
طيب , احكيلنا عن شخصيتك ب3 كلمات
|
سؤال صعب و عن جد ماني ملاقي الكلمات المناسبة... آسف
اقتباس:
|
في شي موقف مر عليك و تمنيت لو ترجع تعيش هالموقف مرة تانية؟؟ اذا ايه احكيلنا الموقف
|
مواقف كتيرة حسيت فيها بالسعادة... ما بعرف. ما فيني حدد واحد هلأ
اقتباس:
|
شو شعورك و انت قاعد بالمقلاية هلأ؟؟؟
|
انو ما رح لحّق بسنة رد ع كومة الاسئلة
اقتباس:
|
كل انسان فيه عيوب,, انت شو عيبك؟؟
|
اللي بعرفو و ماني معتبرو أنا عيب انما الناس تشكي منو (بأخوية و خارجها) انو مباشر جدا بالكلام بشكل قد يبدو انو عم اتهجم... و ما في من هالشي أبدا. بحب الحكي المباشر و اللف و الدوران بعمري ما حبيتو... و المشكلة انو اعتقد انو الكلام المباشر شي جيد... انا بحس بالأمان لما حدا يحكي معي بشكل مباشر
كمان لازم اعترف اني أحيانا واثق من نفسي بشكل قد يبدو انو نرجسي... ممكن ما بقول لأ
اقتباس:
|
شو البلاد او المناطق الي بتحب تزورها بالعطلات؟؟
|
كل شي جديد... كنت مهووس بزيارة كوبا و حصلت... هلأ اذا فيني روح عالأرجنتين أو البرازيل ما بقول لأ.... بس على كل رحلة حياتي اللي بتمنى اعملها في يوم ما هي أول شي رحلة قطار الأورينت أكسبريس من لندن لأسطنبول, بعدين من اسطنبول اعمل طريق الحرير بالسيارة للصين
اقتباس:
|
عندك ميول شعري ؟؟ و لمين بتحب تقرا من الشعراء؟؟
|
لا و الله ما عندي ميول و المحاولات فاشلة كلها كانت و بلكي ما حدا يرجع ينكشهون.... الشعر مو مجالي الأدبي المفضّل و ما عندي شعراء محددين جدا... بقرا من كلو شوي