[الحاج متولي]

كاتب النص الأصلي : nen0us

استفزيتني بهادا الجواب.. بس ليش امشي بعكس التيار وانا مش مقتنع فيه..!؟
ليش عم تحتجو لازم نقاطع هاي المطاعم!؟ ليش ما يكون في عنا شركات مطاعم عالمية "زيهم" ولما يشترو منها نربح فيها!؟ ولا عشان العربي لازم يكون رافع اجري ومرتاح ويصلو كل اشي جاهز..

بس بينكو وبين نفسكو.. في اطيب من مكدونالدز؟!

أنا آسف يا غالي كوني إستفذيتك وهي إلك قبل الجواب
أما بالنسبة لسؤالك فصدقني إن العربي هو صاحب النخوة وصاحب الناموس وصاحب المشاريع القوية بس المشكلة إني مافي عنا حكومة بتشجع
أكبر دليل إني إذا حاول واحد إني يفتح مشروع والكل بيعرف إنوا مشروع ناجح بيركدوا المسؤوليين وراه وبيبلشوا يعقدوا يلي خلفوا من الروتين وعلى هيك بيصير وهيك مابيصير
وهي بالآخر إذا وافقوا بدهن يصيروا شركاتوا من تحت لتحت بيحس بالآخر إنوا صار آخر الناس
بالنسبة للجودة رح أعطيك كام مثال
رح بلش من السعودية إنته قلت إني مافي بجودة كنتاكي ....بس بجدة نجح فروج البيك وبتلاقي كل فروع كنتاكي بجدة عم تخسر ...برأيك إني لو كانت الحكومة السعودية عم تدعم صاحب المشروع وبتحفظلوا حقوقوا بالمملكة متل ما حكومة كنتاكي عم تحفظ حقوقوا داخل أمريكا وبراتها ..بينجح ولا لآ؟؟؟
عنا مثلاً في حلب والكل بيعرف في منطقة صناعية إسمها الراموسة وبالشام منطقة إسمها زقاق الجن
كانت ولا زالت السيارة بتدخل معجونة عجن كانوا يصلحوها ويرجعوها متل الوكالة(وهادا سبب تسمية الشارع بزقاق الجن)
وأكتر هادا الشي يدوي
وبالراموسة بالذات عم تدخل السيارة إن كانت ألمانية أو يابانية عم بيساوا عليها تعديلات من شان تتحمل أكتر وتصير أجود أكتر هالعمال غير متعلم أو مو مكمل تعليموا بس في عندوا مخ بس للأسف في آيادي خفية عم تلعب بمستوى التعليم عنا وبعقول الأطفال وأكبر دليل إني مابتلاقي لا بأوربا أو بأمريكا أو بالعالم أجمع غير بالوطن العربي شي إسموا درس خصوصي
العلم هو الأول عند كل الدول إلا عنا نحنة بس
وأنا بأكدلك إني نحنه لو إجتزنا هالمرحلة رح نصير بمكانة عالية كتير ومستوى علمي أكبر .....وهادا الشي يلي مخوف الغرب مننا وهادا الشي مذكور بالتاريخ...وقت الغرب كان عندو الجهل و الفساد كان الشرق الأوسط عم يكتظ بالعلماء و الكتب العلمية....و أكبر دليل إلى الآن ماحدا عم يقدر يفك رموز وحضارة الفراعنة وإن حصل فهنالك شيئ بسيط من لا شيئ يذكر
آسف للإطالة
تحياتي
الحاج متولي