اقتباس:
كاتب النص الأصلي : Urhoy
حلو نقاشكن عن وحول أوباما...
صحيح أنّو الأزمة الأقتصادية هيي من أهم الصعوبات الي رح تواجها حكومة أوباما، بس كمان حتى وإذا ما قدرت هالحكومة تحلّ الازمة بسرعة فاحتمال تستمر الحكومة 4 اعوام تانية مع أنو البلد بعدو ما انتعش اقتصادياً على اكمل وجه (إلّا إذا عملت حكومة أوباما أخطاء تزيد الطين بلّة).. لأنو أول شي الأزمة الاقتصادية بشكل عام مانا مسؤولية الحكومة فقط وماكانت مسؤولية الحكومة السابقة كمان(في ظروف تانية بتلعب دورا)، وتاني شي فيها الحكومة الحالية حتى بعد عدة أعوام تلقي اللوم على حكومة(أو على ظروف) فترة ما قبل استلاما للحكم... هيك بيعملو الحكومات....
بألمانيا لهلا عم يتحجّجوا بالحكومة السابقة..
وبالنسبة لأوباما والعرب، متل ماقال ياس حلو الأمل بس خيبة الأمل ماحلوة... ليش لتتحسن أمورنا نتأمل بأوباما اصلاً؟
مع تسجيل إعجابي بردّ مايا*
|
بالزبط.. مافي عصا سحرية لحتى تجي تحل الأمور بلمسة.. و يبدو فرط الأمل هيك عم يعطي انطباع للناس, و هيك انطباع ممكن يكون خطير..
بعتقد انو جبت الدق انت بجملتين رح اقتبسهون تحت:
اقتباس:
لأنو أول شي الأزمة الاقتصادية بشكل عام مانا مسؤولية الحكومة فقط وماكانت مسؤولية الحكومة السابقة كمان(في ظروف تانية بتلعب دورا)،
|
اقتباس:
|
ليش لتتحسن أمورنا نتأمل بأوباما اصلاً؟
|
تحياتي ابن العم
