ما عم بناقشك يا معلمي....ولا بشتغل بصالح كوكا كولا....أساسا ما بحبها, أنا فقط عم بعلق على هالموضوع بأشياء ضمن دراستي...
اقتباس:
وجميعنا يذكر المسابقة التي أجريت في جامعة دلهي بالهند، حول مكافأة من يشرب أكبر كمية من الكولا، حيث توفي الفائز الذي شرب ثماني علب منها في نفس المكان، بسبب ارتفاع نسبة غاز ثاني أكسيد الكربون في دمه، مما أدى إلى عدم تمكنه من الحصول على الأكسجين اللازم
|
أنا هاي ما زبطت معي...أنو حدا يشرحلي أنو خلية بمخاطية جهاز الهضم تمتص CO2؟؟؟ ما بتزبط يا شريك....بعدين ارتفاع ثاني أكسيد الكربون بالدم مستحيل يكون بهالسرعة لحتى يتشكل الكاربامين ( كاربامين خضاب الدم هوي اللي يتشكل لما الكربون يتفاعل مع الهيموغلوبين الموجود بالكريات الحمر)
بهالنسبة اللي تخنقو....ممكن يكون عندو حساسية لأحد مقومات الكولا, ممكن يكون سكري و مو عرفان حالو, ممكن صار معاه توقف كبد مفاجئ.....في ألف احتمال....بس احتمال أنو (CO2) ارتفع بالدم لدرجة الاختناق من ورا شرب الكولا ما بيزبط معي....لأنو اذا هالحكي منطقي كان متنا اذا أكلنا خبز كتير أو فلافل...أو أو.....
تحياتي