[butterfly]

كل سنة وانت سالم يا رب ..
والله يخليلنا ياك
ولا يحرمني منك ...
و انشالله يا رب .. تكون سنة سعيدة عليك
ونشوفك اكتر لأنو عم نشتقلك

كتير ناس منكن يمكن ما بتعرفو للحكيم ..
منشوف سوا شو بيقولو الناس عنو بأخوية
( المصدر : مقتطفات من مقلايات متنوعة ... )

الجزء الأول

كاتب النص الأصلي : layla

مثقف غامض شوي بحسو حباب

كاتب النص الأصلي : krimbow

الحكيم:
واثق من نفسو ، واضح، منتقارب بافكارنا كتير و هالشي بيخلينا متفاهمين و انشالله ع طول

كاتب النص الأصلي : sweetbaby

شب مرتب كتير و حابة اتعرف عليه اكتر بصراحة( مع انو بخاف منو مدري ليش)

كاتب النص الأصلي : here i am

الحكيم :
اسم على مسمى حكيم ... شخص كتير فهمان و واعي و عندو نظري مستقبلية و بظن بيقدر يكون بكل المطارح حكيم

كاتب النص الأصلي : Willi

الحكيم: ما بعرفو ,بقولو عنو حكيم

الجزء التاني :

كاتب النص الأصلي : zen

هلق الحكيم كلنا منحبو بس مدري ليش منحس بالرهبة منو
وبتحسي متل فيروز كل العام بتحب
بس ما بيطل علينا كتير

كاتب النص الأصلي : Geeny

هههههههههه الأشقر شو في قول عنو كتير بحبو لحسام لأنو دايما عم يضحك وانشا الله عطول شخصيتو بحسها غريبة وجديدة علي ومشان هيك بضل بتغالظ عليه وهو بيتحمل غلاظتي وأنا قبل ما شوفو كنت متخيلتو أسمر ووقت لقيتو أشقر انصدمت مشان هيك مشيت الصفة عليه

كاتب النص الأصلي : Kakabouda

dr.hus انسان رائع .

كاتب النص الأصلي : Syrian__Angel

- الحكيم .. والله ما بعرفو ... بس في شغلة .. انّو قبل ما تقطع اخوية كنت حسّو جدّي كتير بكتابتو ( ولو انّو بتمرء كم كلمة بيضحكوا باسلوبو ) ... وبعد ما رجعت ... مدري كيف حشّش الزلمة .. بس الله يعطيه الف عافية على هالموقع الحلو

كاتب النص الأصلي : Varon

حكيمنا شو اخبارك ...المهم هاد الحكيم شغلة كبيرة بيفهم بكلشي شو ما سالتو ...واهم شي ايميلاتو

كاتب النص الأصلي : Varon

..ههه والله تسالي يا عمي ...حكيم طمنا كيف الدرس (والصبايا) وشغل حفلات شغلة كبيرة والله احسن منظم للحفلات اسمعو مني ...احلا حكيم

كاتب النص الأصلي : sweetbaby

: وليي اجت سيرة الحكيم مافي متلو والله كتير حباب ومهضوم بس كنت خاف منو انا

كاتب النص الأصلي : butterfly

سوري عمو مشرف عام أنا ما بعرفك

كاتب النص الأصلي : butterfly

كاتب النص الأصلي : layla

حسام حكيمنا اسم على مسمى
يعني عندو افكار رائعة وطريقتو بمعالجة الامور حلوة كتير وبتنم عن قدرة عالتخطيط كبيرة كتير ( عجبتني هي بتنم

كاتب النص الأصلي : layla

)
الله يوفقو بكلشي عنجد ويعطيه العافية على كلشي

الجزء التالت

كاتب النص الأصلي : hanny dagher

dr.hus

كاتب النص الأصلي : hanny dagher

مخ

كاتب النص الأصلي : Gazita

dr.hus

كاتب النص الأصلي : Gazita

===موسو حسام لولاه ما اجتمعنا الله يخليه لينا ويوفقو

كاتب النص الأصلي : Willi

الزعيم الكبير, بدفع عمري لاعرف شو يدور ببالو.

كاتب النص الأصلي : jida

dr.hus ما في منو

كاتب النص الأصلي : سرسورة

dr.hus:مخ كبير ونظيف.

كاتب النص الأصلي : لاوديسا

dr.hus

كاتب النص الأصلي : لاوديسا

...........

كاتب النص الأصلي : Reemi

يا ستي الو هيبة ورهبة..انو لما يسفقك شي رد او رساله ... حتى ولو مزح بتحسيه متل استاذ المدرسة

كاتب النص الأصلي : GOVERMENT

dr.hus ولييييي على بعضي هادا المدير مابحسن غير ما أكولكلو

كاتب النص الأصلي : وائل 76

dr.hus موسوعة تمشي على الارض

كاتب النص الأصلي : The morning

كتير خوفون للشباب بس ما بعرفو

كاتب النص الأصلي : ليندا

dr.hus................................محترم ......وصاحب جميله

الجزء الرابع

كاتب النص الأصلي : BL@CK

حكيم .. بس الي عليه مأخذ لازم يفرغ شوي من وقتو و يشارك متل ما كان أول .. لإني مشاركتو الا قيمة معنوية أكتر من قيمتا كمشاركة ..

كاتب النص الأصلي : butterfly

Hus
عدو لقلكن .. يمكن احكي جريدة عن الزلمي
أكتر شخص حاز احترامي بأخوية .. كتير مميز .. شخص عندو مبدأ .. مثقف ( كمعلومات وكرقي بسلوكو ).. قلبو طيب ( بس ما كتير بيحاول يبين هالشي ) ... أكتر شغلة ما بحبا فيه أنو كتير بيحط حواجز بالتعامل معو .. وكتير بيعيط عليي وبيكبتني

كاتب النص الأصلي : Abu Guzef

.hus
والله الزلمة اكابر ومنيح وفهمان بس بعد ما تهكر المنتدى ورجع تغير انا هيك حسيت

كاتب النص الأصلي : Nirvana

.hus فهمان وفهمان وفهمان ومن الأشخاص اللي بيعجبني أسلوبو بالرد والمشاركات بس غامض شوي .. ايه والو هيبة ...

كاتب النص الأصلي : Barleb

hus
الحكيم وما أدراك ما الحكيم .. عما يخبي شي هـ الزلمة .. بس ما عم بعرف شو هوي .. ولله و أحلى حكيم ..

كاتب النص الأصلي : Spector

حسام حكيم بمعنا الكلمة

كاتب النص الأصلي : يمان Rooooonaldo

.hus

كاتب النص الأصلي : يمان Rooooonaldo

يعطيه العافية يوم بتحسو مروق ومحشش بتحكي معو باريحية ويوم بتحسو معصب وما براسو غير اوعا ماني شايف حدايعطيك العافية حكيم

كاتب النص الأصلي : Madmax

HUS روعة هالانسان .... قدر من خلال الأخوية .... يغيرلنا نظرتنا للمنتديات بشكل عام
كتير فهمان و مزوق ....و متل ما قلتلو قبل ...يا ريت نرجع نشوف مشاركاتو خارج البريد

كاتب النص الأصلي : marioma alghzayala

حسام..جنتل ..جنتل ..وجنتل..

كاتب النص الأصلي : fofo besset syria

زلمة رايق كتير وحشاش ومحترم ... بس انه بحسه هالفترة متل الئمر...بطل مرة بالشهر عالسريع وبختفي ... الله يعطيه العافية..احلى عملة ساواها أخوية...

كاتب النص الأصلي : ASH

HUS بكلمة حلوه الواحد بيكسبو

الجزء الخامس :

كاتب النص الأصلي : phoenixbird

HUS عليه علامة استفهام كبيرة ومخيفة

كاتب النص الأصلي : COSTA

HUS مصيبة

كاتب النص الأصلي : Reemi

HUS
يااااااااااخ شو بيحكي..لما بتاخد رايو بموضوع بيفتحلك اصول الكلمات والمعاني يمكن وبيرجع بالتاريخ الى ما قبل الميلاد ..بدك تتفضى يوم كامل لتقرا ردو ... بس بالاخير بتطلع بنتيجه مهمه

كاتب النص الأصلي : sweetbaby

HUS مافيني قلك غير الله يخليلنا ياك...

كاتب النص الأصلي : TheLight

HUS
حسام...
رغم انو أصغر مني بالعمر بس وقت بنحكي ما بقدر الو حسام (حاف)...ما بقدر الا ناديلو حكيم...أحيانا بحاول اني اكسر هالحاجز بس ما بقدر...
ليش بناديله حكيم؟؟
لانه من الاشخاص يللي بدك تحترمهم غصب عنك...مقدار ضخم جدا من الثقافة...سياسيا مثقف...علميا قوي...فكريا بنحنيلو...مبرمج معلوماتية من الطراز الاول والقلائل ع مستوى الوطن العربي علماً أنه دراسته طبّية...اسلوبه بالنكتة رهيب...ردود طويلة جدا لكنها ذكية جدا جدا..محلل بارع...عندو مشروع بالحياة...كتير دقيق بشغله...طاقته لا تنتهي...بتفاجئ انو بيمتلك كل هالمعارف رغم انو عمره صغير...الشخص الوحيد يللي بنكش مواضيعه وردوده منشان اقراها حتى لو كنت قاريها من قبل...
بتمنى أني اقدر حقق لو عشرة بالمية من يللي حققه بحياته....
الله يوفقه...

كاتب النص الأصلي : yass

HUS شهادتي فيه مجروحة لأبن بطوطة أخوية.. عتبان عليه لأنو جابرنا نشتقلو... اتمنى تنحل كل الامور و نرجع نقرا جملة "تسالي يا مان" منو

كاتب النص الأصلي : كهربجي

HUS حكيم يا حكيم يا حكيم.. يا سيدي على أيام ما كانت شغالة أخوية دردشة تشات (طق حنك) حكيت معو مرة ما يقارب الساعتين يمكن.. وقتها فهمت شو هو هاد الزلمة وشوي شلون بيفكر.. وعم قلك هاد الزلمة ما في منو، يعني كلها أخوية وبناءها ووصولها لهون كلو من جهدو.. شي كبير اللي عملو.. بركي ان شاالله بيرجع بالسلامة

كاتب النص الأصلي : GOVERMENT

HUS شغلة كبيرة هالزلمة عامل شغلات بحياتو منيحة كتير وانو شخص الو اشغالو واعمالو وابو شغلو الخاص مو مجرد شخص عادي .. كتير انحكالي عنو وكتير ناس بتحكي عنو شخصية كتير ناس بتطمح لانو تحكي معا بس ..وبكفي انو عمل الاخوية .. وطبعا هو لو بدك تدخل بالحكي عليه عليه ملاحظات كتيرة كتير يمكن لبكرة مانخلص حكي فيا .. بس بالمختصر شخص رائع مو مجرد شخص عادي عملو شغل روعة بحياتو وثقافتو عالية كتير وطبعا مع بعض الملاحظات عليه بحكم مكانو او رئاستو او بحكم انو الراس الكبير او الرئيس تبع الاخوية .. فلازم يكون عليه حكي كتير .. زبس لو يقصر ردودو لانو بس شوف ردودو برتعب ومابقرا اكتر من كم سطر وبمل

كاتب النص الأصلي : Willi

HUS ما بحب حدا يخالفو و بيقدر يكون استفزازي جدا اذا صار وخالفتو. بس بشكل عام من الناس اللي بحب اتعرف عليه عن قرب, واعرف اكتر بشو بفكر. وشو هو رأيو بالشغلة. بحسو عرفان تمام تمام شو بدو. وعم يمشي على طريق مخططلو مزبوط. بقلو الله يرجلعنا ياك بالسلامة

كاتب النص الأصلي : The morning

الـحكـيم , الـحاضر الـغائب .. الله يـكون معـو

كاتب النص الأصلي : handsome

HUS
حكيم الكل .. متل كل اصحاب المناصب .. لولا ما كنت بكون بالمقلاي هلق ... ما عما ققدر اتخيل اديش مساوي شغلات بحياتو ... وبس يشتغل شغلة بيساوية عالاصول وهاي الشغلة بتخليني احترم كل العالم الي هيك .. مقصر كمان بحق الاخوية .. غير هيك فخر للحماصنة

كاتب النص الأصلي : dimozi

HUS الحكيم , خلينا ساكتين

كاتب النص الأصلي : Syrian Gay

HUS شو بدي أحكي ع الحكيم حسام .. بيكفي أنو صاحب هالموقع العظيم يللي قدر يضمني .. الله يرجعلنا ياه بالسلامة

كاتب النص الأصلي : سرسورة

مخ كبير كتير كتير.....بيقدر يحمل ستين بطيخة بايد وحدة.....عندو افكار و مشاريع هائلة...يعني اذا بيلتقا كام واحد بيفكرو متل ما بيفكر حسام ببلدنا كتير منندفش لقدام....بس هاد لا يمنع انو هوي زلمة ديكتاتوري بقراراتو

كاتب النص الأصلي : Raw

كبيرنا. و حكيمنا.
أكتر أكتر شغلة بتعجبني فيه إنّو بيشتغل كلّ شغلو بإيدو يعني ما بيوثق بحدا (مو صفة سلبيّة) و الحق معو يعني شايفين نتيجة شغلو تنظيم بأعلى مستوى.