من مكتبتي الشخصيه بقترح .. روايه الأم لمكسيم غوركي .. هالروايه قريتها وقت قطعت لفحص التاسع , أسهر تحت اللحاف معي بيل اقرا فيها كرمال أهلي ما يكتشفو انو عم اقرا روايات بالوقت اللي لازم كون عم ادرس فيه .. من أروع ما قريت .. يعني بقدر صنـف تاريخي تبع القراءه بـ قبل قراءه الأم و بعد قراءتها .. هي النصيحه رقم 1
النصيحه رقم 2 .. غرباء في أوطاننا لوليد مدفعي .. هالكتاب وقت قريت الأهداء تبعه عرفت انـّو رح استمتع فيه .. و هاد اللي صار بيحكي عنك و عني و عن جاركون بالبنايه و عن جارنا كمان .. ظريف اذا قدرت تحصل عليه فهاد أيضا ً نصيحه ...
هدول بالعربي اللي تذكرتهم لو عبالك تقرا انكلش كمان ردلي خبر في خبره مع الروايات الانكليزي اكتر من العربي
اقتباس:
كاتب النص الأصلي : Abu ToNi
حاليا عم اقرا بتاريخ الفن وحياة الفنانين 
اذا الك مصلحة بهلمضمار بجبلك اسم كام كتاب بيعجبك |
حيو ابو طوني ..
عمـّي اذا هيك ليش ما بتتفضل بتشرفنا بالقسم بنعمل شي مشروع مشترك أنا و انت .. على أيّ مرحله من مراحل تاريخ الفن وصلت ؟؟ + شو أسماء الكتب اللي عم تقراها (( اسماء فقط مش ضروري روابط )) ؟