[Syrian__Angel]

ماجد السوري .. اقتبست كل الجُــمل اللي فيها لفظ " عراقية " وحطّيتها بالخط العريض وبغير لون كمان .. .. انــّـو يا لطيييييييف شو قلبك مليان منــّـون !! يعني معقول هالحكي انت التاني ؟!؟ ... اي ، بعرف العراقية عاملين ازمة بالبلد وضغط مو طبيعي وسبب بارتفاع الاسعار وووو ... 100 الف شغلة .. بعرف ! بس يعني هالشي - برأيك - وبأمانة ، ما كان موجود من قبل ؟! ما صارت كل هالازمات وما رجعنا لورا الا بس اجو العراقية لعنــّا !؟ انو كانت الشغلة مستحدثة عالبلد وغريبة عن العادة لحتى عم تخانق ؟! ... ما بنكر انــّي تدايقت من العراقية و وجودون، بس ما وصلت لدرجة انــّو ( هفففف ) ويا الله يا ربّي شو هالعالم ومن وين اجولنا و نحنا بحالنا مو خالصين وشو الله بلانا !!! .. ما بيصير هالحكي ! .. خطرتلي شغلة وما بعرف اذا محلها هون ولا لاء ، بس رح نقولها وامركن لـ الله بهالسطرين .. .. وقت اللي صارت حرب تموز واجت نسبة كبيرة من اللبنانية لعنــّا ، استقبلناهون و - بصدر رحب - وبالأهلا وسهلا من منطلق - نحنا واحد ، وارضنا وحدة ، واشقــّاء - واللذي منـّـو .. ، مع انو من كم شهر - قللو او زادو - كانو مطالعينــّا " تقليع " من عندون و هنن عم يرددو " سوريا برّا برّا ، سوريا حللّي عنــّا " ... ما بعرف شو هالازدواجية اللي عنا نحنا - كـ شعب وحكومة - !؟ الشعب ، بينسى كل شي صار ، وهاد شي طبيعي بهيك حالة وهيك ظروف ، بس ليك انت ما اكبرك وانت عم تترك كل شي خلافات وراك من شخص اساء لالك وتوقّــف معو بأزمتو وتستقبلو عندك، وبعدين كل ما اجت سيرة عن الموضوع من قبل - بعض عالم زارعين الفتن - بتسكّــتون وبتقللون ( هدول اخوانـّــا ) ... كتير شغلة كبيرة وعظيمة من جانبك .. ... بس يعني ، اللبناني اخوك والعراقي لاء !؟ اللي اساء الك وبعدين احتاجك بتسامحو - ولو مؤقتاً - ، و اللي ما نكشك - سابقاً - وبعدين احتاجك بتحقد عليه وبتكرهو ؟!؟ شو هالمنطق !؟ ..... هي النقطة الاولى ... النقطة التانية ، انو انفعلت كتير ، وبرأيي - بزيادة - ونزلت سب ودعاوي عالحكومة وع الرئيس ،، هو اي ، معك حق ، الحكومة غلطت ببعض الشغلات اللي برأيي كان فيها تحلها او حتى تتجنّــبها بشويـّة تخطيط ، انــّو كـ بداية ما كان في داعي لتستقبل كل هالاعداد المهولة من الشعب ، اذا بتعرف انو ما معها شي يكفــّي لاولاد بلدها ، بس شكلها كانت بهدف تورجي العالم " الكرم الطائي " مدري الشامي .. او يمكن لحتى تحطها بعين بعض جماعة معون الملايين ليصرفوها عالمشاريع و - ملاحقة الركب الحضاري - والفشورة بالعقول النيّرة الاجنبية وبعدين بس نجي للقضايا الحقيقية - المصيرية - اللي بتستلزم انو عنجد تورجونــا نخوتكن ، وعنجددد فيكون تعملو تغيير ايجابي بهالعالم - تغيير بيخللي كتب التاريخ تتذكرك على انك عملت شي بيفيد هالامـّة - ، بينامو عالقصـّة وبيعملو حالهون ادن من طين وادن من عجين ، ويا دار ما دخلك شر !! أو أو حتى بيجوز كمان تكون الشغلة نكايا باميركا ... انو أكره شعبين عندا يجتمعو بأرض وحدة .. يا هناها يا جماعة ..... اي ،،، وكان فيها - حكومتنا بقصد - كان فيها تعمل مخيّمات لاجئين عالحدود ، او بالريف ، او بالمناطق البعيدة ، لحتى ما يعجئو البلد فوق ما هيي معجوئة خلئة ! ... ... ... هلأ القصة صارت وصارت ومشي الحال ، مافينا ( نطردون ) متل ما تفضّلت حضرتك ، ولا رح نعمل هيك شي - هئ ، تأكــّد ما رح يصير - .. فــ تأمــّل خيراً بالشعب وبالحكومة ... عسى ولعلّ يفيقو ع حالون ويحطّو خطوط حمرا بتعاملاتون مع العراقية و شويـّة قوانين ( ذاتية ) تكون بمثابة - نقطة نظام - لاصلاح الحالة المتردية اللي وصلنا الها هلأ ... وليعرف كل واحد شو الو وشو عليه ، احسن ما تضل ضايعة الطاسة ... ... لورد و نيرفانا ... صدقاً ما بعرف شو رد عليكون !! .. بريف هارت ، بتّــفق معك بنقطة وحدة بس ، انو ما شبعو نهب عن طريق العراقيين ، .. بالفعل ..... ملك الهكرز ... اي انشاااااااااااااااالله يا رب ، بس بدّك تطوّل بالك كتير مازال القصة قيد - الوعد - .. صحي .. لو كنــّا بنعرف انو - نكوشتك - هيي اللي رح ترجعك كنا عملنا هيك من زمان .. ولكم باك يا مان