نقلا عن الغروب اللي مشتركي فيه فيس بوكّياً :
lattakia art group
اقتباس:
منرجع منكفي نشاطاتنا بالغروب وهالمرة رح نستضيف من الشام وتحديدا من خريجين المعهد العالي العازف رامي شبلي ورح نعمل سوا ورشة عمل لألة الغيتار الكلاسيك رح تستمر ل 3 أيام وهالحكي تقريبا ب 20 تشرين أول ... رامي محضر برنامج متنوع للالة واكيد يلي رح يشاركو بورشة العمل رح يتعرفوا على هالألة بشكل اكاديمي ومحترف بالشكل يلي بتستحقو هالالة ... وكمان بالشكل يلي منستحقو نحنا ....ورشة العمل غالبا رح تكون بصالة كنيسة ماريشا بمشروع الزراعة حضور ورشة العمل اكيد مجاني بس المشاركة رح يكون في عليها مبلغ بسيط يعني مين ما حب فينو يفوت يحضر ورشة العمل بس يلي عم يحضر قطع وحابب يستفيد من خبرة العازف يلي معنا فرح يكون في مبلغ بسيط لهلقصة رح نختم ورشة العمل بشي متل كونسرت صغير للقطع يلي محضرا رامي بالصالة نفسا وكمان منتمنى الحضور .... اي تغيير بالتاريخ او المكان رح نرجع نخبر عنو
منتمنى من الكل يحضر ولو كانو أشخاص ما بيعزفو لان العازف فعلا مميز ورح يفيدنا كتير ويلي مو مهتم منتمنى يخبر اي شخص بيعرفو عندو اهتمام بالقصة
طبعا منرجع منقول انو هالغروب وهالنشاطات عم تنعمل لسد الفراغ او خلينا نقول لمحاولة سد الفراغ الكبير يلي موجود بمدينة اللادقية من هالنواحي واكيد منتمنى ننجز ولو شي بسيط من هالفكرة
شكرا للجميع ويلي حابب يشارك او يستفسر عن هالورشة يبعتلي وعندي كامل التفاصيل
اكيد منرحب بأي اقتراحات
|
طبعا اللي بدو يشارك او يستفسر بيقدر يبعت للرفيق : واحد_سوري هوي بيقدر يفيد بجميع المعلومات ...
