اقتباس:
كاتب النص الأصلي : قرصان الأدرياتيك
طُلبَ من خبير مالي أن يبسط للناس أسبابَ الكارثة التي حصلت في أسواق الأسهم، فقال :
إنَّ رجلاً ذهب إلى قرية نائية عارضاً على سكانها شراء كل حمار لديهم، بعشرة دولارات. فباع قسمٌ كبير منهم حميرهم.
بعدها رفع السِّعر إلى 15 دولاراً فباع آخرون، فرفع سعره إلى الثلاثين، حتى نفدت الحمير من القرية.
عندها قال لهم: أدفع 50 دولاراً لقاء الحمار الواحد. وذهب لتمضية نهاية الأسبوع في المدينة!
ثم جاء مساعدُه عارضاً على أهل القرية أن يبيعَهم حميرَهم السّابقة بأربعين دولاراً للحمار الواحد.
فدفعوا كل مدخراتهم ثمناً لحميرهم ومن لايملك مالاً اقترض واستدان على أمل تحقيق مكسب سريع وبعدها لم يروا الشاري ولا مساعده أبداً.
جاء الأسبوع التالي وفي القرية أمران: ديون وحمير!
|
اللي بدو يصدق انو هاد هو اللي حصل باسواق المال من غير ما يحاول يفهم معنى هالحكي بيكون من معشر الحمير و حرام عليه ياكل من اكل البني ادميين ،
انا حزين على توصيف الحمير ولكن بالفعل في بعض المغفلين بالاسواق
في سوق المال اذا كنت متل هالرجل اللي راح القرية وبدك تشتري مثلا سهم معين (اللي هو هون حمار) في اختراع بالبورصة اسمو عروض وطلبات (لما الطلبات بتزيد عن العروض بيرتفع السعر والعكس صحيح) لما بيجي مثلا الرجل اللي بدو يشتري الحمير ، يطلب من اصحاب الحمير شراء الحمار على 10 دولار فهاد ممكن بالقرية ولكن بالبورصة ما بيمشي الحال هيك
ما بيحط طلب بكل الكمية المراد شرائها على سعر محدد 10 دولار (بما انو خبير ) بيحط الشراء على طلبات متعددة حتى يمتص المعروض وحده وحده (والا ) بيرتفع سعر الحمير اللي هي السهم ومارح يلاقي عالم كتير يبيعو الو على 10 وهاد مؤكد بالبورصة قليل اللي رح يبيعو على 10 ، هاد اللي بيعملو ميكر السهم ، بيشتري السهم من العالم حبة حبة باسعار منخفضة ويبيعها لما ترتفع شوي ومع ذلك مستحيل مستحيل تنطبق هالتوصيف عالبورصة ، الميكر مستحيل يشتري كل اسهم الشركة ، هو بدو يترك مساحة للعالم تلعب معو منشان يكسب منون ولازم يترك شوية مكاسب لبعضون لحتى يضمن انو العالم تطمع بالمكسب متل هالفئة اللي كسبت ، والا بيخرجو من هالسهم ويروحو لسهم تاني ممكن يكسبو فيه العالم مش اغبيا لهدرجة !! .
على كل حال طبيعي انو اسواق المال تتعرض لهبوط وهبوط كبير على فترات زمنية (البورصة مش العصا السحرية اللي رح تحول العالم لاثرياء ) طبيعي يكون في موجات صعود وموجات هبوط (مكسب وخسارة) ناس بتفهم وناس مغفلين .