اقتباس:
كاتب النص الأصلي : كنان2006
الصور الخمس السابقة هي للمصور السوري أديب طيبا
يامن كل صورة خبرني كيف بتشوفا وشو لامست فيك
هل يا ترى نحنا قادرين بس بالصورة نعبر عن باللي جواتنا
|
اول شي بدي وجه تحية وقدم احترامي لهالمصور الكبير ....
بالنسبة للصور ....
الصورة الاولى :
انا تخيلتا انو انا اتجاهي بعكس اتجاه الختيار ...يعني انا ماشي بالاتجاه المعاكس بس فتلت وجهي وصورت ...لقيت عندو قديش في ضوء ....بس عم يبعد عني كتير ...وفي بيناتنا ظلام او فجوة سودا ..........انا الضوء اللي بمكاني اقل من الضوء عند الجد ...
كانو مبسوطين اكتر ....ونحنا مستمرين بالابتعاد عنهم ...(انا ابدا ماني ضد التطور ...بس بحب القديم والاصيل )
الصورة الثانية :
هلق انا ماني متأكد ...بس انو فهمت انو هي ابرة الجهاز اللي بيشغل اسطوانات موسيقية ماهيك ؟؟
المهم ...حاول تتخيل ...شو شعورك لما بتفوت على وبتلاقيه لسا حاطط هالجهاز ؟؟
بحسو بيعطي انطباع فظيع بنفسي ...يعني بغيرلي نظرتي بشكل كامل ....
اسمحلي اطلع شوي عن مضمون الصورة ....وبدي احكي عن الشكل المحيط ...يعني الصورة واضحة بالمركز فقط وحواليها كلو غامض ....بتحس حالك كأنك انته بالنص ...او انته بمركز العاصفة ....هاي هي حياتنا ...ما حدا بينتبه لحدا ....
الصورة الثالثة :
لولا فسحة الأمل ...
الصورة الرابعة :
ما بتتخيل قديش ممكن يلعبو الولاد بهالمكان ...شو بدك مثلا ...التخباية ...الكلال (الدحل ) وخصوصا بعد ما تطلع رابع درجة على اليسار ....احلى مكان لهاللعبة ....
والجسر بيذكرني بغنية فيروز ...جسرا خشبيا ....
بشكل عام ...انا خلقت بمدينة بس اصلي من ضيعة فيها شبه لهالضيعة اللي بالصورة ...يعني لما كنا نسافر عالضيعة كنت قضي احلىى اوقات طفولتي ...طبعا ضيعتنا كانت احدث بشوي بس بتضل ضيعة ....
اخ على ايام زمان ...
الصورة الخامسة :
ما عرفت شو عم يشتغلو ...يمكن بلور ...ماني متأكد ..بس عالعموم ...الصناعات اليدوية رح تبقى الها قيمتها الخاصة ولو بعد 100 سنة ...
بالنسبة لسؤالك : هل يا ترى نحنا قادرين بس بالصورة نعبر عن باللي جواتنا ...
رح قللك شغلة ....انا لما كنت عم اكتب تعليقي عن كل صورة حاولت بالبداية اني اتأمل بدون اي صوت ...حسيت كل صورة عم تحكي قصص ....بس لما شغلت الموسيقا اللي بحبا ...فتحت مجال لخيالي بنسبة الضعف تقريبا ....بظن انو الصوت والصورة بيكملو بعضن (طبعا مو ايا صوت وصورة متل بوس الواوا مثلا
)
بالاخير ...بدي اشكرك على اختيارك الرئع للصور ...كل صورة منهم بتحكي كتير ....حسيت حالي حكيت كتير عن كل صورة ...بس كل وحدة منهم بتعبر اكتر من اللي حكيتو بكتير كتير ...