[quote=anakonda]
اقتباس:
|
كاتب النص الأصلي : casual prince
يعني انو كلامكو حلو , بس المشكله انو اجوبتكو متوقع انو اسمعها , على فكره يا بنتي يا ايف , جمال الروح صعب نشوفو خصوصي انو نحنا الجنسين (شباب ’ صبايا) كتير بعاد عن بعضون , يعني ما في الفه , لهيك بتهيئلي انو اكتر شي ممكن يلفت انتباه الشخص لاي انسان تاني هو الهيئه بشكل عام لانو عرفانه شو , الجمال انو شي منحسو و منعيشو و منشعر فيو متل ما حكى صاحبنا (اناكوندا) بس كمان لا ننسى انو الجمال بلا كمال ما بيسوى , يعني جمال الهيئه بدون جمال الروح, اوبس بروح بلوشي , والعكس زات الشي[/quote
صح كلامك يا برنس ...صح الصح...بس يا ترى هل نحنا بحق ما منقدر نشوف جمال الروح ؟؟؟أو شو مدى صعوبة إكتشاف جمال الروح ؟
و حتى نكون أكتر دقة .....شو المقصود بجمال الروح ؟؟
و بعدين بعترض على كلمة واحدة و هي أنو صح جمال الشكل ما بيسوى بلا جمال الروح
بس مو العكس
يمكن أنك تتنازل بيوم من الأيام عن جمال الشكل ...لو كانت الروح بحق جميلة
جميلة لدرجة أنها تنسيك جمال الشكل
و هون ما بيكون الشخص أنعمى على قلبو وقت اللي حب شخص أخر لأجل روحو
و العكس غير صحيح .
نحنا منقول لشخص حب حدا لأجل شكلو و لما اكتشف مضمونو و أنصدم فيه..ليش حبيتو ؟؟ بيقلك ..انعمى على قلبي ...
|
يعني انو كلامك احلى من الشهد , خلينا نحكي انو انت على فرض , تزوجت بيوم من الايام و حده ’ ووو نسبيا ’ جمالها مش ولا بد يعني , وهي خفيفه دم او جمال روحها طاير بالسما, اسى اللي بدي اسئلو انا , الانسان والهيئه مرتبطين بالعمر صح ؟ انو لو انت تزوجت بسن ال 25 وهو السن المثالي للزواج بالاوساط العربيه , و كانت اللي رح تتزوجك عمرا 23 على فرض تمام؟
انو تخيل انت بعد 10 سنين بس , الهيئه اللي نسبيا مو حلوه كيف رح تصير ؟
ايه خيو انا بتحداك انو من بعد سنه لتصير عيونك لبره , لهيك منرجع لموضوع انو جمال الروح مش مقياس لساعده زوجيه ,,, او هاد منو موضوعنا , جمال الروح مش هالشي ياللي بنشاف على طول
ممكن انك تحب هالشخص لجمال روحو , لكن ما اعتقد انك تربط مصيرك بمصيرو , عارف ليه ؟ لان الناس صارت مظاهر يا حلو
استنا ردك انا