اقتباس:
كاتب النص الأصلي : jovia
انا ما بدي فوت بموضوع ديني ... ياريت عالاقل لما بتشوفو شي رد تتمعنو فيه وتكلفو خاطركون ...
كل البنود للي ذكرتون سونا كل دين بيدعي لهيك بنود متل
كل لللي قالتو ما في دين الا وبيدعي لهيك شي للوحدة والمساواة ونبذ الخائن والعمل الفردي متل الايد للي مابتقدر تسفق لحالها ... بصراحة فكرت مزبوط لقيت انو كل للي انكتب انو الشيوعيين بيدعو لمجتمع وردي هاد الكلام ما حنلاقيه حتى لو سادت الشيوعية لانو متلما في بكل دين الما يطلعلو شي زعيم شيوعي سنجا عرض ويامر بالتمييز العنصري والارتققاء بالشيوعي دون الغير
|
لك تمعنت كتييييييييييييير ....وحياة بابا سنفور . بس انتي كتير غلطانة .
يمكن لأنو انتي عندك القناعة المسبقة أنو الدين شي منيح أنو تعاليم الأديان تدعو للمثل العليا ( بالمطلق يعني ) عم يصير عندك خلط لا واعي بين الدين و هالقيم .
رح حاول بسط الفكرة بكلمتين بدون مانفوت بشي ديني :
الأديان ( غالبيتها , ما عندي اطلاع ع كل الاديان و ما بدي عمم ) , الاديان بتحمي الملكية الخاصة و بتدافع عنها , و بتسميها ارزاق و نعم و الخ , بينما الشيوعية ترفض الملكية الخاصة , و خاصة لوسائل الانتاج , و بتعتبرها شي كتير عاطل بحق البشرية اذا بدك .
الأديان , ماعندها مشكلة مع موضوع تعدد الطبقات بالمجتمع , بالعكس بتوحي للناس انو هي ارادة الهية , حتى العبودية مافي دين حرمها !!! , بينما هاجس الشيوعية هو المساواة المطلقة , و منع الانسان من استغلال اخيه الانسان
الاديان بتأيد الجماعة , بس الجماعة بالدين عادة هي مجموعة مؤمنين , بالشيوعية مافي هالحكي , في بشر بيشتغلو بشكل جماعي ضمن نظام اقتصادي اجتماعي محكم ليضمن توزيع عادل للانتاج و العمل .
هي هيك نقطتين ع السريع يعني مشان ما كتير ناخد من وقتكن .
ما بيمنع كمان نذكر نقطة فراق جوهرية و فلسفية بين الاديان و الشيوعية , و هي اعتماد الشيوعية على الديالكتيك المادي ,و اساسو الشك !! , بينما عماد الاديان هو الايمان !!
بقى خلينا ما كتير نخلط الامور ببعضها , خصوصي الامور اللي ما بصح نخلطها ببعضها
و تحياتي
J.S: Death is the solution to all problems. No man = No problem.