اقتباس:
|
كاتب النص الأصلي : أحمد العجي
بدي أسال عن الدوالي وشو علاجه ومسبباتها؟
|
في دوالي بأسفل المري و في دوالي بالخصيتين و في دوالي بالساقين و في دوالي بيسموها بواسير بالشرج المهم هاي عبارة عن أورده بترجع الدم من المحيط للمركز فكل شي بيرفع الضغط ضمنها بيسبب الدوالي متل وجود عائق أو غيره و ممكن يكون في خلل بجدار الوريد بسبب طبيعة الجسم ف بيتوسع الوريد و كتر الوقوف مثلاً متل الخبازين و الحلاقين ممكن يعمل دوالي ساقين أو حبل منوي و كتر الشد بالتغوط و الإمساك ممكن يسوي بواسير و شغلة الحر ( الفليفلة) أنو بيسوي بواسير لا تصدقوها ما في شي مثبت و تشمع الكبد بيعمل دوالي أسفل المري
بالنسبة للعلاج طرق كتير في التصليب بالحقن و في الجراحة بأشكال عدة و على العموم كل طريقة إلها حسناتها و سيئاتها بدك تروح لعند طبيب كويس و ما بيغش و هوي بيفحص و بيشوف شو الأنسب