[امرأة من ورق]

كاتب النص الأصلي : اية الرحمان

بتعرفي هديك القصة تبع الاشجار بالمانيا في ناس بدافع الفضول راحو ليتفرجو عليها وتحققو من وجودها وبتعرفي انو بدهن يدفعو مال ليزوروها يعني ما بعرف ادا فيهن ينحتو شجر او يزرعوه بشكل لا اله الا الله او شجرة راكعة لرب العالمين بس هاي موجودة

هلأ اية اذا كنت انتي بنفسك رحتي وشفتي الشجر او سمعتي مباشرة من الشخص اللي شافها ف رح صدق انو هالحكي صحيح والشجر موجود
بس اذا كنتي سمعتي من شخص سمع من شخص سمع من شخص سمع من شخص سمع من شخص سمع من شخص انو شافها فانا رح اخدها على انها اشاعة ودعاية ومافي اكتر من الاشاعات والدعايات اللي بتنتقل بهي الطريقة
بالاضافة لانو في طريقة سهلة نسبية لحتى يشكلو الشجرة بالشكل اللي بدون اياه وهيي طريقة سهلة وفكرتها بسيطة كتير وهيي انو يلبسو الشجرة لما بتكون مرحلة النمو متل غشاء معدني قاسي الو شكل معين بيقوم بينمع الشجرة انو تنمو بالشكل الحر للشجر وبتاخد شكل القالب اللي موضوعة بداخله
وهي الطريقة متبعة بكتير من الحدائق السياحية لحتى يعطو للشجر شكل مميز ويجذبو السياح يزورو هي الحديقة