[Syrian__Angel]

مرحبا ...

اليوم معي وقت زيادة شوي ، وجاي ع بالي احكي كتير ...
فـ اللي بدّو يقرأ ردّي يجبلو شي كاسة شاي او شي شغلة يشربا ، لانــّو ردّي بظنّ رح يندرج تحت " قصص الحياة " اكتر منها تحت الردود ..

اي ..
هلأ محمد ، احزر شو اللي لفت نظري بالموضوع ؟! ( بغضّ النظر عن مضمونو ) لانو كل فترة والتانية بتصير شغلة التصويتات اللي بالعادة بتكون متل اغلبية الانتخابات اللي بالعالم ، للشخص الاحسن ، الافضل ، اللي بتحبّ تشوفو اكتر ...
انــّو لسه ما شفنا فكرة انتخب الاسوأ لحتى يطلع من الترشيحات مثلاً هيهيهي .. بس مانها فكرة سيئة !

ما علينا ..
اي اي .. اللي لفت نظري هو .. شلون بتكتب " الغير مثالي " و "غير " مااا بتقبل ال التعريف يا اخي
كم مرّة بدنا نقلك اسما غير الـ بلابلابلا

اي والله .. بس مشان هيك دخلت عالموضوع وقريتو " للموضوع الاساسي بقصد " ..
بعدين ، قلت يلاّ بنقرأ اول كم رد ، ولاّ بلاقيك مستثني كم شخص ، و وضــّحت الاسباب ...
فـ خطرلي انــّو اي وانا منســّق مع وقف التنفيذ .. اشمعنى ؟!
قلنا يلاّ مو مشكلة ...
قام اجت بعدين ريمي كمــّلتا ..
ريمي u want a piece of me ؟!

هيهيهي .. لاء لاء عم امزح ..


المهم ..
طبعاً كمــّلنا قراءة للاخير .. واللي صار ، انــّي انصدمت بردّك هاد ..

انا بدي احكي نقطة مهمة جدا جدا جدا ، هي انو في اصحاب مصلحة ومنتفعين من ورا الدفاع عن الاشراف ، ليش ياترى !!!!
لانو اترشحو ضمن الكادر الاداري واللي رشحون ناس بالاشراف ولهذا في رد للجميل على حساب اي شيء اخر .
ياترى بدكون اقتباسات من الحكي يللي صار بالمنتديات الادارية ولا لاء (منشان المصداقية الشغلة مانا استعراض ) بس منشان الاعضاء تقرا بعينا وتعرف الحقيقة

ليش المراهنة من العالم دايما بتكون على غباء الاعضاء وانون بينسو دايما !!!!

طبعاً ما انصدمت " كتير " .. لانــّو :

1) اي بتـــّفق معك بأوّل نقطة قلتا عن مواقف بعض الاعضاء .. ومشان جواب ليش يا ترى؟
بظنّ انــو الدعم والشعبيــّة حلوين .. ما؟

2) بعرف عن قصــّة نقل الكلام من الاقسام الاداريــّة ، بس شو مشان بعدا لهلأ !؟؟ هي عنجد صدمتني .. فكــّرت انــّو انحلّت - هيك سمعنا !! -
بس هلأ فرحت انـّي ما علّقت ع موضوع ذا لايت مرّة .. هيهيهي الحمدالله !!

3) عنجد .. عنجد ... عجبتني آخر جملة كتير ...
يمكن في عالم ما بتحط بحسابا انــّو في حدا بيتذكــّر بعد خمسين سنة !!



وعلى سيرة الـخمسين سنة ..
تعو لقلكن هالقصــّة ... وخدوها نصيحة اخويــّة يا جماعة ..
لا تفكرو كل المشرفين حبــّابين وبيتقبــّلو النقد برحابة صدر .. واذا كنتو مفكرين هيك فـ .. هئ ، غلطانين ..

يمكن يتظاهرو بهالشي ، بس نهايتا .. بينكشفو ..


قرّرت ما خبــّركن القصة هيهيهي .. ما حلوة

اي اي آخر نقطة ..
مشان سريــّة التصويت ( معلش محمد ولو انــّو كتير جادلنا فيها ، ويمكن نزعنالك الهدف من الموضوع .. حقــّك علينا .. )
هو بصراحة انا كنت مع فكرة انــّو تكون الاسماء عالمكشوف ، - هيك كـ فكرة اوّلية - ..
بس بعد اعادة التفكير ، وبغضّ النظر عن المادة ما بعرف اديش اللي حطــّيتا عن حقوق الانسان .. بس هيك احسن ...
لانـــّو تخيــّل يجي المشرف يشوف مين الاشخاص اللي صوّتو ضدّو ( هاد مو متل وقت بتصوّت للافضل، وما رح يحبّك كتير بعدين ) .. ويمكن واحتمال كبير و - وارد جداً .. - انــّو يتأثر برأيك وينعكس هالشي ع افعالو " وما قصدي معك بشكل خاص " ، او يستغرب من الشخص الفلاني انــّو كان معجب بأدائه باقسامو فرضاً ، بيقوم بيغيّر رأيو فيه وما بيعود المدلل .. او انــّو ليش ما كان مخبرو قبل عن اللي مدايقو و بيحلّوها بينات بعضون ؟! لشو يعني الحكي اللي عالعام !؟


لك هففف .. انا داق خلقي من الحكي ونعست ،
وخلاصة الكلام .. هيك التصويت احسن .. بس يطلع المشرف الفلاني هو غير المثالي مع توضيح الاسباب اللي خلــّت العالم تختارو ( اسباب مقنعة !! و بعيد عن التارات .. )
اي ، بس تطلع النتيجة ، وبدون ما نعرف مين صوّت على مين ... بظنّ وقتا هي لحالها رح تكون بمثابة wake up call .. ليرجع هالمشرف يعيد حساباتو بتعاملو وقراراتو اللي بيتّخذها بالقسم - من ناحية الحذف او التعديل - ..



سلام ..