القصد بالسري انو بياخد تقرير عن الحالة من دون اسم يعني ما بينكتب على نتائج البحث اسمو الحقيقي
والسبب لهيك شي يشجعو الناس تعمل الفحص لانو بشكل عام في نظرة دونية نوعا ما لمرضى الايدز وغالبا بيتم اتهامون بانو انصابو بالمرض بسبب حاة غير مسؤولة ( جنس او مخدارات وما غيرو ) وبينغفل الاسباب الاخرى ( انو مصادفة ملامسة دم ملوث .. انتقال المرض من شخص لاخر من دون معرفة انو حدا من الاتنين مريض ,, وغيرها )
بالتاكيد مرضى الايدز متلون متل ايا مرضى بيحقلون يقضو الباقي من حياتون بشكل قدر الامكان طبيعي بس بنفس الوقت عليهون مسؤولية كبيرة انو يحرصو بالتعامل مع المحيط بحيث ما ينتقل المرض لانها كارثة. كمثا لعلى هيك شي رح اسرد حادثة قريتها
حدث صار بحمام سباحة : شب وهوي عم يسبح انضرب راسو بحافة حوض السباحة وانفجر راسو واكيد صار في دم بالمسبح وعلى الحافة للاسف الشب كان مريض بالايدز وما كان بيعرف ونتيجة اصابتو صاب اخرين كانو لسوء الحظ معو بالمسبح لا هوي بيعرفون ولا هني بيعرفوه بس انتقلت العدوى الهون .. المسبب كمان ما كان بيعرف انو مصاب بالمرض وحسب ما انذكر وقتها انو انتقلو دم ملوث نتيجة حادث ما.
عمليا هوي غير مسؤول عن يلي صار للاخرين .. بس نظريا هوي مسبب لمعاناة اشخاص اخرين
هالقصة او بالاحرى الحادثة قريتها بتوقع بمجلة الكفاح العربي من اكتر من 12 سنة بس مقدار مصداقيتها ما فيي اكدو بس بتعكس فعلا قديش ضروري انو الشخص يعمل فصح الايدز
وقديش ضروري يكون مجاني ومن دون اسم لحتى الناس تتشجع وتعملو من دون تردد انو المجتمع رح يرفضني
للمصادفة انا عملت فحص الايدز يسورية قبل ما سافر وكان اجباري كشرط من شان الحصول على الفيزا ودفعت عليه 550 ليرة !!!( بس ما حدا يخاف طلعت النتيجة سلبي )
وبنصح انو الكل يعمل هيك لانو هيدا الفحص طالما مجاني ومغفل من الاسم ما رح يكلف شي بالعكس بيعطي نوع من الطمانينة خاصة انو اعداد مرضى الايدز للاسف عالميا عم تزداد
قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
|