الزلمي عم يحكي صح ..من وجهة نظرو طبعاً ...لأنو من حيث المبدأ يعني في شخصيات تاريخية , قديمة و معاصرة راحت بالتضحية و الفداء و البطولة ابعد بكتير من ماراح جيفارا ...او عالاقل ما كانت اقل منو ...خود مثلاً خطاب بالشيشان , بن لادن بافغانستان ..صحي الزلمي هاد لسى ما معروف شو خاتمتو بس انو والله ملياردير سعودي تارك حياة الرفاهية و السخسخة و رايح ع جبال افغانستان مشان يحارب ( اعداء الله ) و فوق هيك مدوخ موسوليني و ما حدا قدران يمسكو ....الخ !!
بقدر اضربلك امثلة كتير عن اشخاص عملو من حيث الفعل يعني اكتر بكتير من الشي اللي عملو جيفارا ...وهاد الشي اللي مجنن الشباب من امثال كاتب الرسالة المذكورة بمشاركة الاخ ابو وليام ...انو يا الله ليش هداك الملحد محبوب ...و خطاب لاء !!! ..مع انو خطاب كان يلبس بدلة مموهة .و يحط بيريه عسكري و مربي دقن طويلة و جدايل ..و حارب الكفار الشيوعين و مات ( شهيد ) !!! ...ليش ما حدا عم يدق صورة خطاب وشم ع زندو ؟؟؟
يمكن الجواب لازم يكون مدروس ...بس ببساطة منقدر نقول انو جيفارا هو اللي قال : انني أشعر بوقع اي صفعة علي وجه كل مظلوم فأينما كان الظلم فذأك هو وطني
بدون ما يحدد هالمظلوم مسلم او مسيحي , ابيض او اسود .....الخ ..و هاد الشي اذا ربطناه بمسيرة حياة هالانسان بيعطي شعور لكل بني ادم ع وجه الارضية انو صادق ...و صديق يعني ...و الناس بتتعامل مع الاصدقاء بودية عادةً ...و هاد هو سر محبة الناس لجيفارا !
J.S: Death is the solution to all problems. No man = No problem.
|