[باشق مجروح]

كل يوم بقول انو بكرة رح بيكون احسن بشوي .. بس شوي بيكفي شوي . كل يوم بقول
انو بكرة رح يتغير شكل الحي . ويعدو الحي هوي الحي
شو بدك تحمل يا بكرة تا تحمل . الله يحمل معك
آمال الناس الي ما بتقدر الا تلجئ الك
الأب الي عم يسأل حتى قالو مجنون
ما بيعرف ابنو وينو ميت ولا مسجون
الشباب ا لي عم بيهاجر وضجر الأمهات . ولا الي بعدو ناطر ع بواب السفارات

كل يوم بقول انو بكرة رح بيكون احسن بشوي .. بس شوي بيكفي شوي . كل يوم بقول
انو بكرة رح يتغير شكل الحي . ويعدو الحي هوي الحي
شو بدك تحكي مهما تحكي ما في مين يسمعك
بتحس انك بوطنك منفي و الهوا عم يخنقك
ضايع بزمن الحرب و بتدور على هوية . جرفتها ريح الغرب . ريح الغرب القوية
هالريح الي سرقت اسمك وما بتعرف انت مين
انت مجرد رقم وطابع وصورة ع اليمين
كل يوم بقول . بتمنى انو بكرة يكون اسوء بشوي . بس شوي . بيكفي شوي . كل يوم بقول
يا ربي ما يتغير شكل الحي . يبقى الحي هوي الحي

مرات منحس انو التفاؤل هوي خداع ومخدر طويل الأمد وبدونو ما فينا نعيش . خلونا مدمنين تفاؤل . و خلينا عايشين بتأثير هالمخدر لأنو هوي الشي الوحيد الي بيخلي لحياتنا و تسلسل أيامنا معنى

اذا ذكرت اسم رح كر وراه مليون تانيات فـ كلكون كلكون بونجوركون تفاؤل . ومطر .. سمعنا انو بسوريا مطر