[سرسورة]

كاتب النص الأصلي : باشق مجروح

هاي سرسورة رغم انو ما صار ولا مرة بينا أي حكي بس من حكي العالم حبيتك
تسلم يارب...
خدي هالكم سؤال:

الاسئلة:

ا- اسئلة عامة:
أ- شو رأيك بأخوية اليوم؟ اخوية دايما بتمر بفترات هجوع ونشاط...بتلاقيها احيانا كتير مملة و احيانا بتلاقي معظم الاقسام نشيطة و كلها حركة...عكلن اخوية اليوم بالنسبة لالي متل اخوية مبارح....الشي اللي بيتغير انو كل ماقضيت وقت فيا اكتر كل ما تعلقت فيها و بالناس اللي فيها اكتر...
ب- شو رأيك بالمجتمع ؟من اي ناحية بدي اعطي رأيي بالمجتمع؟ بشكل عام...مجتمعنا مقيد بكتير قيود...والشخص اللي عايش فيه بدو يتعود او يحاول يتعود على نمط حياة لحتى يقدر يكون فاعل ومتفاعل مع المجتمع....
ج- وين الديمقراطية اليوم؟ بس تلاقيها ابقى دلني عليها...عكلن...شعبنا ما بيلبقلو ديمقراطية...و الديكتاتورية على الجميع هي نوع من العدالة....
د- حقوق الانسان ببلادنا؟جزء كبير منها مهضوم و رايح ....اهم حق واللي هوي التأمين الصحي غير موجود.....

2- اسئلة خاصة:
أ- شو سر النك نيم (سرسورة)؟مافي لا سر ولاشي....امي كانت تناديلي (و ماتزال) سرسورة..والمقربين مني بينادولي هيك وانا بحب هالاسم كتير...
ب- علاقتك بأهلك؟ علاقتي باهلي هي من افضل الامور بحياتي....بقدر قول انها مثالية...
ج- قصة الحب و وضعك مع الحبيب؟ وضع مستقر حاليا....مرتاحة...نوعا ما....
د- مين أقرب الناس الك؟ امي
ه- ستايل لبسك؟ سبور غالبا
و-اوصف شكلك؟ كيف يعني؟؟؟؟
ز- نوع دخانك؟ ما بدخن
ح - سيارتك؟ سوزوكي سويفت
ط - موبايلك؟ نوكيا و مابعرف شو رقمو

3- علاقتك بما يلي:
أ- الله علاقة خاصة كتير.....ربي بيسمعني و انا بسمعو...وماحدا بيتدخل بيناتنا....
ب- السكر الكلمة بدها تشكيل لحتى افهم
ج- الجنس اللطيف اينو ؟؟؟؟
د- الاحزاب مالي اي علاقة بالاحزاب الموجودة بسوريا...
ه-السهر بحب السهر و الليل كتير....بحس انو طاقاتي كلا بتطلع بالليل و بكون باحسن احوال مزاجي...
و- الدراسة والعلم بالنسبةالي مافيني عيش بدون درس...بمل و بحس حالي فاضية
ز- العائلة تشكيل عائلة هوي احد الاحلام اللي بتمنى تحقق
ح- الاصدقاء بيهمني النوعية اكتر من الكمية...مشان هيك اصدقائي المقربين قلال...
ط-الطائفية والعنصرية. علاقتي معون؟ مالي اي علاقة....

4- لو:
1- فيك ترجع على الحياة انسان واحد مين بتختار؟ جدي...
2- 3 طلبات من مارد المصباح؟
بدي فيزا ع اميركا و شي مليون دولار و بيكفي ( بما انو مارح يقدر يأمنلي غير طلبات مادية)
3- تغير شغلة بالعالم؟
تكون سوريا هي مركز القوة...

4- تطلب طلب يتنفذ من الله؟
يديم الصحة على اهلي...


5- رأيك بهالشخصيات:

1- السيد حسن نصر الله رجل القرن بامتياز...برغم التحفظ على الصفة الدينية لحزبو....بس مافيني اتغاضى عن كونو رجل جبار...
2- أحمدي نجاد ماعندي خلفية عنو لاقدر اعطي رأيي فيه...
3- ايميل لحود سلبيتو كانت كتير تزعجني....ياريت لو قدر يعمل شي اكتر من اللي عملو...
4- رفيق الحريري بموتو بلشت تنكتب بداية نهاية لبنان...
5- السيدة فيروز اكيد هي اكبر من اني اعطي رأيي فيها...بس فيروز جزء من حياتنا اليومية...جزء من صباحاتنا بكل يوم..هي اذا ما كانت اهم جزء فيه..
6- نزار قباني نزار شاعر كل الاجيال....بتحبو بالمراهقة و بالشباب...و بالكهولة و حتى بالشيخوخة...
7- صدام حسين كان ديكتاتوري و مجرم كبير...و مع هيك كنت ضد الموتة اللي مات فيها...كان بيستحق يموت بطريقة افضل..
8- جورج بوش غبي جدا....
9- ياسر عرفات مابقدر اعطي رأيي...
10- اسماعيل هنية هون كمان نفس الشي...
11- مارسيل خليفة من اهم موسيقيي هالقرن...و مع كل شهرتو و محبينو....الا انو بيستحق اكتر ...اكتر من هيك بكتير...
12- هيفا وهبي شكل من اشكال الحضيض و الانحدار اللي نحنا واقعين فيه...
13-نجوى كرم بحبا....
14-هتلر مجرم و ديكتاتوري...لكنه كان صاحب مشروع كبير...
15-صلاح الدين الايوبي ما كتير بيهمني
16-الانبياء والرسل .....
17-جيفارا شخص خلق للثورة مفاهيم جديدة و عطاها كيان اخر...بس للاسف بحس انو شبابنا اخدين القشور السطحية للشي اللي شايفينو من جيفارا...
18-داروين لهلأ ما بقدر قرر اذا انا مقتنعة بنظرياتو او لاء....
19-السيدة أسماء الاسد سيدة اولى بامتياز....بشعر بالفخر لان السيدة الاولى بسوريا هي سيدة تمتلك اللي بتمتلكو السيدة اسماء الاسد...
20-اسامة بن لادن بالنسبة لالي...هو اكبر رمز من رموز التخلف ....بيشعرني بالقرف و الاشمئزاز...

كفاها الله

فعلا كفاها الله...