اقتباس:
خلي قيمتك من حجم مصاريك اوكي على عيني و راسي ... حقك .. تعبك و جهدك هاد ولازم العالم تقدر هالشي انك انت اللي تعبت و حصلت هالثروة هي...اللي بيتعب و بيدرس مثلا طب الله اعلم كم سنة 8-10 سنوات و بيشتغل براتب 7-8 الاف يورو بالشهر ( عم نحكي باوروبا الغربية) مو متل اللي بيخلص ادب انكليزي و بيشتغل استاذ و بيقبض مثلا لنقل 2000 يورو ( ما بعرف رواتب الاساتذة باوروبا شقد  ) هاد حق طبيعي انو يكون راتبو اكبر للطبيب المختص ... و تلقائيا بما انو راتبو اكبر معناها حياتو المادية نظريا رح تكون مبحبحة اكتر ... و بيحسن يضب مصاري و يجمع ثروة بوقت اقل نسبيا من الاستاذ صح ولا انا غلكطان؟؟
|
هلأ بدي اسألك سؤال و لا تزعل منو ها.. مشان اعرف شو اجاوبك... عندك خلفية عن مفهوم الاقتصاد؟ أنا ما عندي كتير لا تفكرني عم اتفهمن عليك يعني (حاشا الله.. و ازا زاعجك هالسؤال أنا بعتذر) لكن حاسس انو مفهوم رأس المال ما كتير واضح عندك
بغض النظر عن الكمية (هاد حكي تاني).. راتبك.. أي المردود المادي مقابل عملك .. مانو رأسمال..أو بالأحرى مانو رأس المال اللي عم نحكي عنو, فلذلك مثالك ما زابط
اقتباس:
بس ادفع للضمان الاجتماعي ...متل ما الك حقوق في عليك واجبات كمان...في عليك ضرايب بيحددها النظام حسب مدخولك الشهري و مصادرك المادية ...
اعطي موظفينك و عمالك رواتب منيحة تتناسب طردا مع الاحتياجات و الحياة العادية اللي ما بتخليك تحتاج غيرك ...
بدك مصاري اكتر ؟؟ طيب روح اشتغل شغل تاني ...يا اخي افتح شغل لحالك ... كيف؟؟ بسيطة النظام الراسمالي بيعطي قروض بتوقع ... ياما عالم بلشت من الصفر و كافحت و اشتغلت بالليل و بالنهار و بمجالات مختلفة و حققت نجاحات باهرة و عملت ثروة مادية بتعبها الخاص ...
|
أنا شو بدي بهالحكي هلأ؟ شو دخلو بحكينا؟
اقتباس:
|
ضمان صحي ؟؟ ليش لحتى ما يكون في ضمان صحي ؟؟ اللي معو مصاري كتير و يعتبر راسمالي ما رح ياثر على مقدار ثروتو اذا دفع هالضمان ....
|
هيه.. الضمان الصحي خلقة خاسر.. بيسحب مصاري من ميزانية الدولة.. و الدولة الرأسمالية هي دولة بلا موارد.. إلا لانقاذ الرأسمال من أزماته...
روح قول لحيتان وول ستريت انو هالمصاري بدل ما الحكومة تعطيها للبنوك رح يعملو فيها نظام ضمان اجتماعي (ما موجود نظام ضمان صحي بأميركا) .. بيومين عملوك ستالين عبد ربو
اقتباس:
هلق المشكلة مو بجمع الضرايب وهالشغلات لانو اي حكومة وقت بجها تاخد مصاري من الشعب اي ما في اشطر منهن بهيك شغلات ... المشكلة بتوزيع هالاموال كيف رح يكون ... هي بقى الها قصة طويلة عريضة و مو من اختصاصنا بس ببساطة دفع مبالغ معينة للعاطلين عن العمل و كمان ايجاد فرص عمل الهن ... مو بتكديسهن فوق بعض بالمؤسسات لاء ابدا ... بالعكس .... يعملو اشياء جديدة مصانع ابنية بطيخ مبسمر ما بعرف شو يعملو المهم يشتغلو فيهن شي مفيد لهالدولة و هالشعب مو يكدسوهن على قلبن ...
و هكذا دواليك عمي ياس ... يعني كل مشكلة والها حل ... بس تعى عاللي ينفذ بقى ...
ما تواخذني استحملني و خدني على قد عقلاتي... طولت عليك بس صرلي زمان كتير ماني مشارك بموضوع بالمنبر و جاي على بالي اليوم اكتب و طلعت براس هالموضوع يا حرام 
|
يا أخي عم تخلط الأمور ببعضها, .. انو حكيك عالعين و الراس بس شو دخل هاي بهاي؟ يجوز عم سيء الفهم .. ما بعرف.. بس هالحكي ما شايفو كتير الو علاقة, أو ما ما عم يسعفني نظري لحتى شوفا
تحياتي
