[سرسورة]

كاتب النص الأصلي : fady juventus

تحياتي إلك سارة
هلا فادي....كيفك...

- إنت زرتي أكيد كلية الطب بحمص بعد ما رحتي عالشام ... شو كان شعورك بالنسبة للفارق؟ و برأيك قدي بالمية بتعادل شهادة البعث بالنسبة لدمشق؟
بتصدق اذا بقلك انو ولا مرة ...ولا مرة...دخلت على جامعة البعث غير لما قدمت عالمفاضلة بالبكالوريا.؟؟....يعني مو بس ع كلية الطب...و لا ع اي كلية بحمص...
انا بحس حالي غريبة برات كليتي...هيك كنت حس...يعني غير ع الطب و طب الاسنان و الصيدلة بالشام ما كنت روح....

- إجتماعياً برأيك مين عشرتو أسلس أو خلينا نقول شو بيتميز شعب حمص عن الشام و بالعكس من ناحية المعشر ؟
شعب حمص اطيب...و في اريحية بالتعامل معون (بالنسبة لالي) يعني الحماصنة ماعندون هالبندقة تبع الشوام.....بحس انون صادقين اكتر....بيجوز هاد مجرد احساس بالنسبة لالي مابعرف...بس انا لما بكون بالشام و بتعرف ع شخص حمصي بتروحن(يعني بحس الروح رجعتلي) سبحان الله مدري كيف ....يااخي الحماصنة غير...شو بدك بالحكي....

- إنت يبدو نخبوية بصداقاتك ... مشرفين بأخوية و أطباء من زملاء المهنة خارجها ... هل هالشي صح ؟ إنت أرستقراطية ؟
مو تماما....بس نوعا ما حريصة باختيار اصدقائي....بحاول انو يكون في اقل قدر ممكن من الفروق الجوهرية بيني وبينون....بس...انا ابدا ماني ارستقراطية...ولا بمت لهلصفة بأي صلة...
- عندك حب لذاتك؟ و إذا إي بيوصل للغرور ؟
طبعا بحب ذاتي...مافي شخص ما بيحب ذاتو....بس ما بيوصل للغرور ابدا ابدا,.....بعترف اني انانية اي....بس مو مغرورة

- ممكن ترفضي الزواج من شخص لأنو ممكن يبعدك عن حمص و عن أهلك حتى لو كان على أوروبا أو أميريكا ؟ ولا ما بتوصل لهالمرحلة ؟
لاء ما بتوصل لهلمرحلة.....بفضل ابقى بحمص اذا بدي اخد القرار بقلبي...و حط عقلي ع جنب....بس بغض النظر عن قصة الزواج اذا كان لبرا او لاء...انا عم اسعى للخروج برات البلد للاختصاص مع انو هالشي بيعذبني لاني رح بعد عن اهلي...بس بالنهاية مافيني ضل رابطة حياتي بعاطفتي و تعلقي بأهلي....

- لما بتكوني بحمص .. قدي بتعطي وقت للنت و قدي للقعدة مع أهلك و قدي للإجتماعيات و الشوبينغ و غيرو ؟
لما بكون بحمص....بتكون القعدة مع اهلي هي اول اهتماماتي....حتى بفوت عالنت و انا قاعدة معون...الاجتماعيات بتجي بالمرتبة التانية والشوبينغ ابدا مابفكر فيه....

موفقة

ميرسي فادي....