[سرسورة]

كاتب النص الأصلي : DORA_

مرحبا
انا حبيت هالعبة وبدي شارك
وبما انو العضوة من حمص ودكتورة كتير حلوة

1 بما انك من حمص ليش درستي بالشام مو بحمص مع انو معدل الشام اعلى من معدل حمص ؟
لانو انا كنت مشارطة اهلي اذا بدكون ياني ادرس طب ف بدي ادرس بالشام...لاني من وقت انا صغيرة و انا بحب الشام....
2 شو بتعنيلك حمص وشو بتعنيلك الشام ؟
صرلي تقريبا سبع سنين بين الشام و حمص.....حمص بتعنيلي اهلي و بيتي...و الشام درسي و حياتي و شغلي...
3 لو خيروكي بين حمص والشام شو بتختاري ؟ وليش
بختار حمص....لانو بفضل كون مع اهلي....ولانو مليت من العيشة لحالي...بس للاسف ماممكن يصير هالخيار...
4 شو الفرق بين الشام وحمص من كافة النواحي ؟متل العيشة او الحرية الشخصية او الانفتاح الاجتماعي او المجتمع الكبير يلي موجود بالشام .....................؟
والله انا ما كتير بلاقي فرق...اكبر فرق بشوفو انو الشام عجقة و السواقة فيها صعبة...و انها مدينة كبيرة و الطاسة فيها ضايعة...باقي الامور ما كتير بتفرق معي بين هون وهون...
5 شو بتعنيلك الرمال الذهبية بما انك حمصية
بصراحة...انا ما كتير بحب الرمال...انو بحبا لاني بحب البحر...بس بكره الزحمة و العالم و الضجة....اهلي بيقضو كل الصيف هونيك...بس انا مو دايما بكون معون لانو مافيني اتحمل الضجة كتير...
6 انت شو تخصصك وليش ما اختصيتي برا البلد
حاليا عم اختص داخلية عامة.....و عم حاول كل جهدي اطلع برا البلد مشان كمل الاختصاص...لانو الطلعة برات البلد مو سهلة...و خصوصي مشان الاختصاص....
7 برأيك ممكن البنت تختص اي اختصاص متل الشب او لاء ,
ممكن بكل الاختصاصات بعيدا عن الجراحة....الجراحة بدها هدوء و ثبات و اعصاب ذكورية...و باعتبار الانثى معرضة لتقلب هرموني خلال ايام الشهر...فهاد كفيل انو يمنعها من انو تكون جراحة ناجحة بمستوى الجراح الناجح....


وموفقة بدراستك

شكرا كلك ذوق...