اقتباس:
كاتب النص الأصلي : butterfly
سوري داني
ما بظن أنو انتو عم تحاورو الفكرة ... بغض النظر عن رأيي بالفكرة .. أو بصاحب الموضوع ...
بس الحوار انتقل من الفكرة لنقد الشخص .. أو التهكم عليو ... برأيي ...تنقلو الموضوع للسقيفة ... لأنو هادا أكيد مو حوار ... هادا جدال ... ومن النوع ... اللي فيو أطلاق أحكام ... وانفعالات وتعصيب ...
|
طيب معك حق ..
هلق أنا كان قصدي حلل الفكرة و شذيت عن الموضوع بتوجيه الحكي ألو
الموضوع الاساسي هو تصوير المعارضة على أنها فعل المستحيل .. يعني هي برأي الكاتب تخبطات و طفل ولد ميت
بس كان الأفضل بدل ما يتحفنا (أي د. ثائر) بمقالة ما ألها لا أساس علمي او موضوعي أنو على القليلة يحط مقدمة نظرية عن مفهوم المعارضة ، يعني شي بيبين أنو هو فمهان شو يعني معارضة قبل ما يختزلها بأربع خمس تعدادات بكم سطر.. و من جهة تانية و على طريقة الرد الدائم الجاهز لأي انتقاد يوجه إلى السلطة و ممارساتها الخاطئة: أين الحل المقترح ؟ يعني شو شكل المعارضة اللي بيقترحه؟ أم برأيه ما في داعي للمعارضة من أساسه؟
على كل حال ما بطالب بمعارضة من مبدأ لازم وجود معارضة .. أصلا المعارضة كلمة فاقدة لمعناها بالأدب السياسي السوري المعاصر و استخدامها على طريقة "سكودا" يعني كلما واحد من أي اتجاه حكيلو كلمتين بيستخدمها ، يمكن هادا نصر للناس اللي بتحب و بتدافع عن القمع لأنو انتصار للمصطلح على حساب المفهوم .. يعني صار في معارضة عالورق و الإنترنت و بحديث الشارع بس ما في محاسبة و رقابة و تعدد رأي و لا مجلس شعب و لكن مجلس دومى (على اساس عمنقلد الروس)