بالنسبه للي عايش خارج اميركا فأكيد مهما طبلت الدنيا و انزمرت بقضيّه الانتخابات ما رح يحس انها بتعني بذات القدر اللي بحسه الشخص الي عايش جوا اميركا ..
يعني سياسه اميركا خارجيا قد لا تختلف كثيرا بحيث انّو اي شخص بيروح بطريق طويل ليرجع منه بحاجه يسلك طريق رجعه , أقصر , أطول مش كتير مهم يعني بما انّو بكل الاحوال رح يحتاج يسلك طريق رجعه .. كذلك الامر بالنسبه للسياسه الاميركيه خارجيا مافيها تترك و تمشي لمجرّد انها تترك و تمشي و حتّى لو الرئيس الجديد اراد ذلك .. اضافه لانو هالقضيّه شي مستمر بسياسه اميركا ما بلّش مبارح او اليوم يعني مش رح بتم التخلص منه بكبسه زر ..
بينما داخليا أنا يقنعني اوباما .. تقنعني نظرته و برنامجه الانتخابي .. متل انّو يحوّل المدارس بما فيها الجامعات و الانشورنس و ما اليه للطبقات الوسطه من احتياجات , انّو يحولها لتصير بالمجان شي كتير بيعجبني يعني .. هلئ طبعا مش 100% بالمجان و لكن الاغنياء رح بترتفع ضرائبهم لتغطي جزء من اهلشي اضافه لانو حتّى للو بدك تدفع شويّه ضرائب و قصص او ما الى ذلك من شي قد لا يقارن بالمبالغ اللي بتندفع حاليا بالعام الواحد للجامعات و دور الحضانه و الانشورنس .. هالشي كتير كرت قوي بايد اوباما .. و سبب بخليني فكّر صوتله يعني انا و شباب من جيلي عم يدفعو و ياخدو قروض ليقدرو يكمّلو دراساتهم اضافه للي عم يدفعو مبالغ خياليه لدور الاطفال و العدد الهائل من الناس اللي ما عندها تأمين صحّي ...
اضافه لخطّه اوباما الاقتصاديّه اللي شوي مقنعه اكتر من خطّه ماكين ..
أنا ما عم شوف ماكين عارض شي جديد عالطاوله او شي مغري يعني - داخليا بقصد - مش عارض غير هالساره اللي معه شي جديد خلنج
