ABU WILLIAM
الأعمى
هو شخص ع طول لازم نساعدو .. الله أخد منو حاسة كتير مهمة ونحن لازم نعوضوا عن هالنقص
الاحتباس الحراري
كارثة ولازم تتعالج بسرعة .. هو جرم بشري جماعي .. بتحاول عطول الشركات الكبرى المسببة بشكل كبير لهل الاحتباس أنها تنفي أن العامل الرئيسي وراء الاحتباس هو الغازات يللي بتطلقها وطبعاً هادا تبرير كاذب
الاضطهاد
شيء قاسي جداً بحق المضطهد .. أنا مضطهد وغيري مضطهد .. بس تختلف نسبة الاضطهاد بين الناس .. أنا مضطهد بالمجتمع بس مثلاً الفلسطيني بغزة مضطهد من أبسط الحقوق الإنسانية تبعو ..
باميلا اندرسون
بحبا 
بحبا هالمخلوقة ..
علم الاحصاء
علم كتير حلو .. بيفيد بالحياة العملية كتير .. ويللي اخترع نظرياتو كتير شخص ذكي .. بحبو كتير
الحمار
حيوان مضطهد جداً .. كتير بحبو لأن الكل بيضطهدو .. عندو مخ ذكي بس قراءتو للأحداث بطيئة .. فـ بيضطهد ع هالأساس
المشرفة سعيدة
هه 
هاي أنا كان اخترعتا من عند حالي لشوف شو بدو يجاوب العضو يللي محطوطلو هالسؤال .. يعني لشوف مدى انصدامو .. شو بدو يساوي .. مثلاً ممكن يستفسر حواليه عن هيك وحدة بهل الاسم بالذات 
النوم
أحلى الشي بالدنيا .. بتنسى كل شي فيه .. هو نعمة عند الإنسان .. بيخليك بعالم تاني .. بتمنى أقدر نام شي اسبوع .. وخاصة قبل مناسبة أو نتيجة امتحان ومن هالقصص لأن بتدوب أعصابي من الانتظار ..
الجيش الاحتياطي
معو وكتير معو وقت الزنقات .. بس معاييرو شوي غلط عنا .. ما بيراعوا انو ممكن هالشخص الخادم العلم سابقاً يكون عندو زوجة و اولاد .. ما بظن بيقدروا هالشي
تعارف الانترنت
سبق وجاوبت
عمليات الليزر للعيون
كتير مفيدة .. في كتير ناس معون عقدة من النظارات فبتقضي ع هل العقدة .. وعامل العملية بيحس بشعور بالحرية أكتر .. عن تجرية أخي عم بحكي
فلم 300
فلم رائع بكل معنى الكلمة .. التصوير والإخراج والتمثيل .. شي خيالي .. بتمنى يضل ينتج هيك نوعية من الأفلام .. وهيك قصص حماسية
اللون الأحمر
لون كتير حلو .. وهو من الألوان يللي بحبا .. بيرمز لكتير قصص ..
لغة الجافا
لغة مجالاتا واسعة .. اختراع مفيد كتير .. مظهر و ندوات كتير حلوة بينعمل منها
قسم السقيفة
قسم ممتع نوعاً ما .. بتختلف نسبة جمال المواضيع فيه من عضو لأخر ..
الكلب (حيواني المفضل)
ما حيواني المفضل هاد بعشقو .. كل الصفات المنيحة فيه .. قلبو طيب وشجاع ومخلص وصدوق ومساعد ..
الإعدام
ظالم .. لو لشو ما كان فـ هو ظالم جداً ..
الكريمة (يللي بينحط عل الكاتو)
بحبا كتير .. بس لدرجة معينة وإلا فـ بقرف كل شي أكل يومها
علاقات جنسية عابرة
عملتا كم مرة .. مالها طعمة كتير وما فيها شعور بالحب والأمان .. بس ما عاد ساويها لأن علاقة بحب بتسوى 600 علاقة عابرة .. بس بشكل عام هي إفراغ شهوة بس للأشخاص يللي ما فينون يرتبطو بشل او بأخر .. وما فيو مشكلة كبيرة
الشعر الجاعد
بكرهو .. بشمئز إذا مسكت شعر جاعد 
الجاذبية الأرضية
حلوة ومو حلوة .. أنو حلو الواحد يطير .. بس كمان بلاها ما بيصير
السجون الخمس نجوم
مع وضد .. لأسباب وأسباب ..
بكاء الفرح
حلو كتير .. إذا حدا عم يبكي عليك بكاء فرح بتحس قديش أنت غاااالي .. وإذا أنت بكيت بيكون قديش تغيرت نفسيتك .. يعني هو قمة الفرح .. أكتر من هيك ما فينو الواحد يفرح
السفينة
بتخوف وبتعمل كأبة .. الواحد يحس حالو وحيد ومنعزل تماماً وخاصة إذا ما كان على مد نظرو أي يابسة
أنت
رامي
أنــا
أبو وليم
