[مغرم سوريا]

كاتب النص الأصلي : a7la lolo

هلا هيدول شغلات أساسية .. وهي من واجبات الرجل .. والمراة كمان ..
يعني ما بظن في شي جديد ..
بس عم اسالك شو الشغلات يلي عنجد بس الرجال بيقدر يعملها ..
بس صرلي ساعة عم فكر وبحبش بمخي .. بس ما عم لاقي شي .. الرجل بيقدر يساوي والمرأة ما بتقدر تساويه او المرأة بتقدر تساويه والرجل ما بيحسن ... عم احكي عن الحياة الاجتماعية ... مو الولادة و شغلاتها ...
يعني سالتك عن شي خاص بالرجل او حتى المراة ما بيحسن حدا من الجنس الاخر يعملو ....؟

اكيد مافي شئ الرجل فينو يعملو والمراة ما فينها العكس صحيح... بس انتي كتير عم تقولي بالأول

انو الحبل والدورة وما بعرف شو .. وبعدين كتير قلت سابقا انو الله خلق جنسين ليكملو بعض ...

يعني ذكرت التعاون وانو الاتنين بيكملو بعض .. بس منرجع لموضوعنا ما بعرف ليش كتير كبرتي موضوع انو الأخت

تعمل قهوة لأخوها! ... كتير بكره هدول الإنتقادات يلي بتحسسني انو كل الرجال غلط

نحنا بالنهاية انسان .. يعني اذا ما اعتمدنا على بعض

على مين بدنا نعتمد؟؟ ليش لحتى نخلق هالأفكار الخاطئة ويلي بتوصل بطريقة غلط

لعقول المراهقين او الاطفال ( ما بقصد انو هالموضوع نزع عقول المراهقين خخخخخخ بس بشكل عام بالمجتمع ) .... يعني على سبيل المثال .....

في كذا صبية بترفض او رفضت بالأحرى انو تعمل قهوة لأخوها وتعددت اسبابها وكثرت اغلاط الرجل او الأخ ... فجأة بتلاقي عملتها قضية نساء ... يعني هيك انتو ( او يلي رفضت من خلال الردود ) عم توصلوا معلومة
خاطئة لكل شخص فات على هالموضوع .... !!!

لتوضح فكرتي اكتر.. انو وقت عم ترفضوا وعم تبرروا ليش ما بدكن تعملو قهوة او شاي او بلوط للرجال

عم توصل معلومة ان كانت لشاب او لامراة انو انا مالي مجبور بأخي .. او مجبور بأختي ...

ومرة عن مرة بيزيد الموضوع ضخامة ... وما بتصير بس القهوة يلي بتنرفض ...

بتتفاقم الأمور ... وبتزيد المشاكل

كلنا رجال ونساء مجبورين ببعض ..يعني الأخ مجبور بإختو والأخت مجبورة باخوها...

واذا بدنا نعقد ندور على مبررات ليش لحتى نسمع كلمة الرجل ما منخلص .. وبيطلع مية سبب

بس في سبب واحد فقط .. ليش الرجال تسمع النساء والعكس .. .. والسبب الأخلاق

مافي احلى من الوحدة تطلب من اخوها شئ ويلبي طلبها والعكس كمان .....

انا طولت عليكن ... ههههه بتمنى تكونوا فهمتوني ... وبعتذر اذا دايقت حدا