[handsome]

matya


اسئلتي الحلوة القليلة البسيطة هي ::
هلق منشوف شو عندك
1)شو رايك بـ (الزواج بالبريد المضمون)؟!
لما ما بيكون في مجال يلتقو الشباب والصبايا ويتفاهمو مع بعض ويحبو بعضون , فما رح يكون في مجال لحتى الشب يتجوز غير انو يحط اعلان انو عما يدور ععروس .. وبيجو اهل البنات لعندو وبيأرجو بضاعتون

2)صف ذوي هذه العقلية(عقلية الزواج بالبريد المضمون)؟
شعب متخلف بدو ينفق بناتو

3)حسب رايك ما هي تداعيات هذه الخطوة؟!
والله احتمالين .. يا بيزبطو التنين عبعضون ويتعودو عبعض .. يا بتصير حياتون جحيم.. بس بالاغلب التاني

4)ما هي اسباب هذا التصرف؟!!
قلت فوق .. عدم امكانية التقاء الشباب والصبايا مع بعضون

5)بالنسبة لتقمص شخصية الاخر .. برايك من اين ينبع ,.. من جهل..الخ..؟!
من عدم الثقة بالنفس.. معقول كتير اني شوف شخص واحكي معو وبعجبوني شوي من افكارو .. بيكون تقمص اذا صرت اقتنع بهاي الافكار واحكي فيا كمان؟

*تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

تكملة الاسئلة ::

6)برأيك هل يستطيع القلب استيعاب اكثر من حب في نفس الوقت ؟
لاء

7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ...
متل القلب

8 ) برايك : هل الحب الاول لا يـُـنتسى؟؟!
كمان لاء

9)الحب عبر الانترنت.. الى اي مدى تؤمن بـ وجود هذا الحب؟!!
حاليا بأمن في لاحلى نهاي ممكنة .. لولا هيك ما كنت بكون هلق من روادو... غير انو الانترنت هو بالنهاي بس وسيلة تواصل ما اكتر من هيك , ليش لحتى يكون فيا شي مميز؟

10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!
بعد عشر سنين بجوابك على هالسؤال وبقلك كيف بكون وقتا .. بس وقت الواحد بيكون من اول الشي مفكر انو رح يكون زواجو فاشل . فمافي داعي لحتى يتجوز .. او يضل يوم واحد اكتر على هالطريق.. لانو بيكون حرام للتنين

11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!!
والله وقت بيكون الواحد بيعرف وحدة على ارض الواقع .. بعدين بيبعد لسبب من الاسباب... ما بيصير يستخدم الانترنت كطريقة تواصل بين الشخصين بسبب البعد الجغرافي؟
وبالنهاي مافي فرق لاء .. الحب ما بيعرف حدود

12) شو هو الزهد بمفهومك؟! مو تجي تقلي صفة حلوة ومنيحة والخ...
لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟!
اذا بدك شرح اكتر لـ هالسؤال انا مستعدة..
ما فهمت قصدك مزبوط بالزهد .. يا ريت توضلحيلي اكتر

13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟!
كتير اوقات برد .. بس قليل لحتى يكون نقاش .. بكون كتير اوقات عما تخوت عطريقة تفكير كتير عالم .. قليل كتير لحتى لائي واحد خرج ينفتح معو موضوع نقاش ديني

14) لمين بتقول من المنتدى او برا المنتدى الاقوال التالية،
(يعني كأنك بحوار مع شخص بتقوم بدك توصفه فبتقلو قول من هالاقوال) ::

أ- "وما خاطبتُ جاهلاً الا وغلبني".
لشي شخص عما يحكي بكتير شغلات ما الى علاقة بالمنطق . مافي شخص معين

ب- " ولا خير في ودّ امرئ متملق حلو اللسان وقلبه يتلهبُ".
ما لحدي

جـ-"ولا خير في ودّ امرئ متلون اذا الريح مالت مال حيث تميلُ".
كتار العالم الي بيحطو روسون بين الروس وبيقولو يا قطاع الروس

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا".
لكل واحد باعتبرو صديقي

15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف):

أ- فيروز. ام التراث
ب- اصالة.
ج-ميادة الحناوي. حلو صوتا
د- ميادة بسيلس. رائعة
هـ- لينا شاماميان. صوت بيحكي المشاعر قبل الاذن

16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!

ذوي المصالح: بعطيون الي بدون اياه بعد ما اخد الي بدي اياه منون

ذوي الافكار السطحية والساذجة: بحاول اد مافيي اخدون على قد عقلون

ذوي الاقنعة والوجوهـ المتلونة ( بالعامية "اللعب على الحبلين"): بفضل دور عغيرون

امرئ حلو اللسان وقلبه يتلهب: عادي

الحاسد : بحاول ساعدو لحتى يسعى للشي بدال ما يحسد صاحبو

الحاقد : بكره هادا النوع من الناس

المنافق والكاذب والمخادع: كمان بكرهون

الغدّار: بضل اخد هاي النقطة بعين الاعتبار

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك: بحاول اد ما في ما ادخل بنقاشات معون .. ويصطفلو بقناعاتون
وقلي اذا صار وتعاملت معهم او مع بعضهم قلي مين ؟
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر
بفضل اخد حريتي بهاي الناحية

17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:

وقد سقط ما تبقى من ورقة توت لم يعد دونها شئ مستور، على مين بتحس انها بتنطبق: ما بعرف

وُلِدتَ فاشل وما زلت فاشل ورح تبقى فاشل: شرحو

الكذب عندك صنعة: كتار, بس مافي حدي خاطر عبالي

18 ) يـُـقال ان قوة المرء في كظم غيظه لا بـ ان يرد بالمثل ومن هنا :::

أ)هل انت ممّن يكظمون غيظهم أَم ممّن يجيبون بالمثل ؟؟؟!
بعتقد اني ما كتير برد بالمثل ... بس ما كتير بتحمل فكرة انو حدي يغلط عليي... يعني الشغلة بتتعلق بالموقف

ب)اذا كنت من كاظمي الغيظ الى اي مدى تستطيع كظم غيظك ؟؟؟!

لوقت ما بطل ققدر ضلني طاظمو

لهون بيكفي .. قليل ما؟

اي قليل العادي..

صعبين الاسألة كتير