اقتباس:
كاتب النص الأصلي : stormsmaker
لا أدري ما الفائدة من المزاودة في السطحيات و القشور و ترك اللب و الجوهر بعيدا منسيا
هل هو لهدف ما أم أنه ناتج عن سوء تخطيط و عن غير عمد
|
لما بكون صار للشغلة اكتر من 40 سنة , ما عد تقدر تقول انو ناتجة عن سوء تخطيط
المصيبة انو لما بكون في عندك ارض محتلة بس ما في مقاومة من اي نوع وبالتالي القضية صارت منسية.
سكان الجولان اللي انطردوا من قراهن سنة 1967 و اللي بدل ما متروكين ليعيشوا بضواحي الشام , كان المفروض يتم اعادة توطينن بالقنيطرة وباللي حواليها من الجزء الباقي من الجولان وبالتالي هدول كانوا هني المفروض يكونوا نواة المقاومة الشعبية بالضبط متل اهالي جنوب لبنان.
بس اللي صار هو متل ما قلت , تركوا لب القضية و متفاخرين انو شو عم ندعم حماس, عم نهرب سلاح لحزب الله وكانو نحني فنزويلا ولا ايران مو كانو عنا ارض هي اولى انو نفكر شلون نحررها, وانطبق علين قول مظفر النواب
" ويدافع عن كل قضايا الكون ويهرب من وجه قضيته"
الجيل تبعنا صحي فجأة على خريطة سوريا ناقصة شقفة من فوق, وبهمة الشباب يا خوفي الجيل اللي بعدنا يصحى على هالخريطة ناقصة شقفة من تحت .