محسوبكم ميداني ومن قبيلة الشاورما والفلافل وأطيب صحون الفول والكنافة من عصابات الجزماتية
عمري 20 سنة وبعد 10 تيام بصير 21 .. هواياتي كرة القدم واللغة والموسيقى والأفلام .. عطوني هالأشياء وأنا عايش أحلا عيشة رح كون ..
طولي 191 سم والشعر أشقر والعيون زرقا .. كنت لاعب سلة سابق وبما أنو طريف قوطرش لاعب الوحدة القديم بيقربي فكان بدو ياني كمل مع نادي الوحدة .. ولكن الروماتيزم عذبتني وخلتني أترك
فاشل عاطفياً ودراسياً .. بالرغم من أني طموح بالدراسة ولكن للأسف طموحي وعقلي ماعم يتفقوا مع بعض .. لأنو لحد الآن عايد البكالوريا 4 مرات وما ظبطت معي ..
عشت بالخليج .. السعودية 6 سنين والإمارات سنتين .. والطلعة الوحيدة يللي طلعتا برات الوطن العربي هي تركيا وإنشالله إيطاليا بالشتوية ..
|