[The morning]

برأي بداية ً لازم ننطلق من تعريف المثقف .. يعني مين من الناس فيّ قول عنـّه مثقف ؟؟ و هالمفهوم نسبي بحت ..
يعني أنا مثقفه بالنسبه لفلان من الناس ( مقارنه معه يعني ) و لكن ثقافتي قد لا تتعدى الواحد بالميه من ثقافه شخص تاني مثقف اكتر - اذا صح التعبير - .. يعني الأمر نسبي يعتمد على المقارنه و ليس التعميم ..

و لكن برأي اللي عنـّا بسوريا هو نوعين :

#1 . مثقف عن قناعة : شخص فعلا ً يهتم بالثقافه و الفعاليات الثقافيه و الأخبار و أخبار العالم و يقرا و يكتب و يرقص و يغني و لكـن أذا بتسأله اذا هو مثقف فهو نفسه مابيعرف و غالبا ً يعتقد انو مازال قدامو الكثير ليصير مثقف .. يعني ممكن يقلك عن حاله بيبي مثقف ..

#2. مثقف سطحي : شخص ممكن يكون فعلا ً مثقف و ممكن ما يكون قاريله الا شي كتاب او شي جريده و صار مقتنع انه مثقف . و بكلا الحالتين فهوّ بيقعد بمقاهي خاصه بالمثقفين فقط .. بيرتاد امسيات شعريه للمثقفين فقط .. بيحكي عن الماغوط و نزار قباني كأنهم خادمين عسكريه سوا و كل ما سألته عن كاتبه المفضل الماغوط و شاعره المفضل نزار قباني .. بديق خلقه من الحوار مع عامه الشعب المش مثقفين .. أحيانا ً بيستقصد يحمل معه جريده تحت باطه وين ما راح (( لا تلحقني مخطوبه )) ..

النوعيه التانيه من المثقفين هي برأي بتشكل أزمه ثقافه بسوريا .. يعني صارت الثقافه تهمه أو مسبه يعني اذا حدا بيقول عنك مثقف و انت ماشي بالشارع في احتمال تتخانق معه و توقفه عند حده و ممكن ترتكب فيه جريمه أو ترفع عليه قضيه شتم و تشهير ..

و لكن عوده للموضوع متل مافهمته .. فأنا ما بشوف انو في حدن بحاجه لمثقف ليساعده يشوف طريقه .. أيّ شخص هو مثقف نوعا ً ما أو مشروع مثقف .. حتّـى مصلح الحنفيات مثقف !

في شغله أيضا ً مابعرف تماما ً ليش الثقافه تتنافى مع الأخلاق عنـّا هيك يعني انو مثلا فلانه مثقفه أو فلان مثقف .. فما تحكو معهم ماما بكرا بينزعولكم تربايتكم ..

فمابعرف وين المشكله و وين الحل فيما يخص المثقفين و الثقافه ..