[abosleman]

كاتب النص الأصلي : The morning

صباح الخير لـ لجميع ..

صباح الخير لـ سوريا و أكيد متل ما كان دايما و متل ما رح يتم عطول " صباح الـ ياسمين للـ شام .."
حاسه حالي بدي القي محاضره حدا هون حاسس متلي ؟
ممم من وين بلش ..
بتذكر اول يوم خطر ببالي اكتب هالموضوع .. كنت كتير متحمسه و كان عندي تدفق مشاعر
و شوق كتير كبير .. مشتاقه لـ بيتي و غرفتي و الصبح و فيروز و ريحه القهوه .. يمكن حتى صوت القهوه و هي عم تغلي على نغمات فيروز كنت مشتاقتلو ..
كنت مشتاقه لـ صوره الولاد الصبح عم يضبو اغراضون و يمشو عـ المدرسه .. يمشو و بينطشو بالطريق متل المسبحه المقطوعه ..
لـ المنقوشه من الكشك تبع المدرسه .. لـ غبرا الشوارع ..
لـ سـ و ريـ ا
كتبت الموضوع و كنت تماما جاهله لشو رح تكون رده الفعل عليه ..
كنت بدي مساحه او يمكن لا لا مو مساحه يمكن شباك صغير اطلع منو عـ صباحات مرو علي و حاول عيشها من جديد ..
الموضوع - و لـ حسن الحظ - كتير مشي سوقو ..
يمكن ما استغربت و يمكن استغربت من اديش العالم كانت مرتاحه تصبح عـ بعضها هون معي بعيدا عن كل المشاكل اللي برا باي محل بعيدا عن دين و لون و شكل و طول و انتماء و و و و و اي شخص منون .. ( يعني مو شطاره مني هي بس انو عجبتني الفكره انو ولا مره انذكر اي من ما تقدم ذكره )
الموضوع هاد بالذات دونا عن اي موضوع نزلتو رح نزلو او رح فكر اني نزلو .. هاد الموضوع يمكن هو تماما مورنينغ ..
مورنينغ للي مابيعرف انكليزي معناها بالعربي الصبح ..
اكتر محل كنت لاقي حالي في هو هون ..
كانت اوقات كتير حلوه .. و متل كل شي حلو بالدنيا لازم تخلص ..
لانو في شغلات تانيه حلوه عم تنطرنا بالايام و لانو
الاشيا الحلوه و الاشخاص الغالين بمرو بـ حياتنا و بيتركو بصمتون عـ الباب و هنن طالعين ..
اكيد فخر كتير كبير لـ الي انو الموضوع صار عالمي ( متل ابو حدو من الجريده الى كل مكان )
اي صرت الموضوع شايفتو بـ اخويه شي تلات مرات ..
و بغير الاخويه يمكن مرتين
عنجد ما بقدر اشرحلكون اديش فخوره بهالقصه و فخوره كمان انو اول نسخه من هالـ موضوع الي عم يشق طريقو نحو الشهره .. اول نسخه كانت من اخويه ..
المحل اللي مغمضه عيوني لحتى ما شوفو عم يخرب هالكم يوم
اخويه اللي فيها خلقت مورنينغ و فيها ربيت ..
بنرجع للموضع .. الموضوع كتير بفتخر في و كتير كتير كتير .. الخ .. بحبو و بلاقي حالي في
بس بدي اطلب طلب غريب من اللي ايدون واصله ..
انو يتسكر الموضوع
لانو متل- للي ما عندو ولاد يتخيل - متل اي ولد من ولادك ما بتحب تشوفو عم يحتضر ادامك ..
انا ما حابه شوف صباح الخير اخويه عم يحتضر ..
بتمنى يتم تنفيذ طلبي بـ انو يتسكر الموضوع و بكون ممنونه ..

"نفس الغنيه اللي بلشت فيها الموضوع حابه سكر فيها الموضوع .. "
لا تسألوني ما اسمه حبيبي .. لـ فيروز
و صباح الخير اخويه
مـــــــ...ــورنــــ.....ــــ يــــ....ــنــغ

شو هالحكي themorning ليش هيك
ال عم يحتضر ال وين رحنا احنا
صحي اول شي صباح الخير بالليل لاني هلق صحيت
اي وهلئ كيف هيك يعني عم يحتضر
ماحبيتا منك هي.. الموضوع لازم يكمل
ومابرضى بأي اعذار طلبك مرفوض من الاعضاء
والرأي للاغلبية هون مو ديمقراطية الشغلة
لهيك خلص الموضوع رح يستمر
ولا بس احنا لازم نكمل مواضيعنا

وهي غنية فيروزية من الآخر