اقتباس:
كاتب النص الأصلي : yass
عرفتك راح تجي بهالأيام... عرفت انك ما رح تغيب
بس بدي احكي شغلتين... الأولى هي انو بنصح الناس تقرا كتاب جورج أورويل (1984)... و يبقى احكولي اذا لاقيتو شبه بين سياق الرواية و بين ما جرى و يجري في... بلاد العجائب
|
لو ما كنت جيت بهالوقت والظرف يبقى عالاغلب ما كنت رح اجي تاني اصلا
اقتباس:
الثانية... و الأهم
لما نقول كريم و نحكي عن كريم و غير كريم.. ما عم نعني معارضة و موالاة و لا عم نحكي عن موقف سياسي معين أو فكر من أي نوع.. عم نحكي عن قضية انسانية بحتة.. عن شب متلي و متلك و متل أخوك و ابن عمك... شب بأجمل أيام حياتو ملقوح بزنزانة على حكي.. كلام... فكر... ما مهم هالفكر شو هوي.. المهم انو مسجون بسبب فكر .. لذلك يا اخوان القضية انسانية فقط.. مالها بعد سياسي أبدا
ما بيهمني ان كنت بعثي أو اخونجي, ان كنت حاطط صورة بشار ببروفايلك, ان كنت عشقان ميشيل كيلو أو كوليت خوري.. ما بيهمني تكون سني شيعي علوي درزي مسيحي أيزيدي ملحد مؤمن... ما بيهمني تكون حلبي شامي ديري حموي حوراني.. بيهم انو كلنا... شئنا أم أبينا.. عجبنا أو ما عجبنا... كلنا ولاد بلد واحد و محكومين ببعض و مجبورين ببعض و قدرنا نعيش مع بعض و نفهم بعض و ندعم بعض... و كل ما وصلنا لهالنتيجة قبل كل ما بلشنا نبني بلدنا مزبوط قبل... مربوطين بالدم.. و الدم مهما حاولنا ما بيصير مي
كل ما هدمنا سجن و بحجارو عملنا مدرسة... بنتطور قبل.. و أول سجن لازم نهدمو هو سجن التفرقة...
بالنهاية... بس بدي قول انو اتمنى من كل قلبي الحرية لكريم عربجي و لكل شبابنا بالسجن...
و ألله يسعدكون و يسعد بلدكون فيكون
|
هاي هي الفكرة والروح "قضية كريم قضية انسانية "
قضية شاب معاقب على جرم لم يرتكبه
قضية صراع الخير ضد الشر , الحق ضد الباطل ، المظلوم ضد الظالم والقضية الجوهرية هي صراع حرية الرأي ضد الكبت وكريم بيمثل بعالقضايا (الخير والحق والمظلوم وحرية الرأي ) هاد هوى رأيي ومابعرف اذا هاي هي الفكرة يللي بتحكي عنها او لاء ، بس حتى لو لاء بعتقد مارح نختلف كتير