[MadMax]

كاتب النص الأصلي : المحارب العتيق

أنا بعتقد لو تفكر فيها كمشكلة . ممكن يونجدلها حل . والجيش مهمتو يبدافع عن كل حدود سورية , واداراتو . موشرط تكون كلها بالشام

الجيش مو مؤسسة استثمارية .. ليخضع لقصة الانماء المتوازن
صحيح الجيش مهمتو يدافع عن كل سوريا ... بس شاءت الظروف أنو يكون عدونا الرئيسي من جهة وحدة
و هادا خلى الجيش يتواجد بمعضمو بالجزء الجنوبي من سوريا


( في حل بقترحو إذا بيرضي أهل الشام .... ينعفى أبناء المحافظات الأخرى من الخدمة الإلزامية و تنحصر الخدمة بس بأهل دمشق )

معناها وصلنا لنتيجة أنو في مشاكل . الفرق يابدنا نطنش وكل واحد يلاقي البلد مجرد مكسب لازم يستفيد منها . ( بتهرب ضريبي . بواسطة . من أنو حتى يهجم بمحلو 10 سانتمتر لبرة وياخدها من الرصيف . بكتير شغلات ) . أو بدنا نعترف بوجود خطأ ونعمل على أصلاحو

برجع بعيد
ابن سوريا ككل .. ما عم يسرق من ابن دمشق شي


اي مشروع اقتصادي بصير بالشام .... كل أبناء سوريا دافعين تمنو

و هالشي بصير بكل العالم



ولا مرة سمعنا بالإعلام مثلاً أنو ابن باريس عم يتذمر من فرنسي آخر اجا ع باريس
لا بالعكس .. المجنسين الغير فرنسيين بيتمتعو بكامل حقوق المواطنة

. أنا لما بدي دافع عن الشام بدافع عنها من منطلق محبة . لأنو هية وطني البدائي والنهائي . وبتمنى كل سورية يكون فيها أنماء . وعايشة برخاء . بس هاد بدو شغل . لا شعارات ولا امنيات . وكلشي بيقولو الشامي . بيحكيه عن حياة يومية عايشها . مو من نسج الخيال

المشكلة انك عم تلزق كل سلبيات المجتمع الجديدة ..... بغير أهل الشام .. و هادا غلط
مين قال أنو أهل الشام أفضل من غير باقي المحافظات ..


لا بالعكس في كتير محافظات متقدمة كتير على الشام ثقافياً و تعليمياً ....و اجتماعياً كمان


السلبيات يللي عم تحكي عنها ... ناتجة عن جو سلبي عام نتيجة تحوّل المجتمع ككل .. بما في ذلك المجتمع الشامي

يعني أنا مثل بشوف المجتمع عنا من عشرين سنة كان أفضل ..
هادا ما بيعني أنو ارمي مشاكل مجتمعي الحالية عالآخرين