اقتباس:
كاتب النص الأصلي : matya
حلوة كتير هالقصة..بتعرفي ست مروى..انا من الناس يللي عنجد ما خابت ثقتي بـ الله
يعني بجد ولا مرة وقعت بمشكلة الا انقذني منها..ولما حس بخوف وادعي فجأة بحس بطمأنينة دخلت لجواتي
فهون بحب استذكر هالقول او حكمة او نصيحة..انو :
"واذا اصابك في زمانك شدّة واصابك الخطب الكريه الأصعبُ
فـ ادعُ لربّك ، إنه ادنى لــمن يدعوه من حــبــل الوريد واقربُ "
وفعلاً تأثبتلي انو الله قريب كتير منّا..ومني كتير قريب..بحس بوجودو معي عنجد
وصدقــًا بحكيلك انو لما ادعي من كل قلبي مع ثقتي الكتير كبيرة انو الله ما رح يتركني ..
فعلاً ما عم يتركني و عم يساعدني .. وعم يحميني كتير كمان
حتى بدون ما ادعي..بس بكون واثقة انو الله ادا بيصرلي شي رح يساعدني اكيد
وواثقة انو اصلاً ما رح يسمح يصرلي شي مو منيح..وفعلاً هيك عم يكون..عم يحميني كتير
بشكرك مروى.. انتِ رائعة..الله يحميكِ
|
وأنـا متـلك..اصلا كـتابتي للمضوع نابـعة من إيـماني بإنو الله دايما مـع اللي بيحبوه
آي لاف يو ماتيا
اقتباس:
كاتب النص الأصلي : boy freind
هلأ هالشي حسب الشخص
يعني انا مثلا من كتر ذنوبي أشك انو الله رح يوقف معي لأنو ذنوبي طامرتني و مارح بيّن بالعجقة
عرفتي كيف أما اذا واحد قمة بالاستقامة أكيد رح يكون وائق انو الله عم يساندو
|
تـعرف..بصراحة أنا أوقات بفكر متـلك انو عندي زنوب كتير والله على شو بّدو يساعدني..بس بعدين بكتشف انو الله بالفعل ساعدني وكأنو عم يعطيني فرصة
.."لا تقنتوا من رحمة الله إن الله يغفر الذنوب جميعا انه هو الغفور الرحيم " 
اقتباس:
كاتب النص الأصلي : اممي
كتير حلو ان الانسان يحلم بوجود هالشي الي بيمدلوا ايدو
بس يعني لاتواخذوني كل هالقصص الي حكيتوها خياليه يعني لا كوخ احترق ولا حدا ادندل بالحبلة بوقت فيه الف والف قصة عن اشخاص قمة في الطيبة وقعو بمشاكل تركتهن مدمرين وبنفس الوقت اشخاص وسخات مابيسوا نقلة طلعلن هالرب ودفعن لقدام ليدمروا اكثر واكثر
اتركوا لالله فوق وحاجة تنزلوه هون لان كل هاد وهم ....وهاد راي الشخصي
|
شـوف أنا أؤمن انو الله عادل وعدالته الالهية لا بد ان تتحقق ان كان على الارض او في السماء..في كتير ناس تحققت فيهن العدالة الالهية على الارض وكانوا عبرة.. بعدين أحيانا انتي بصير معك شي انتي بتشوفه سيء وضد رغبتك بس بعدين بتكتشف انو هالشي "السيء" اللي صار حماك من شي تاني أسوأ وبالتالي ربنا ما عاقبك أو خذلك وانما ساعدك.. أنا أؤمن جدا بالاية
"وعسى ان تكرهوا شيئا وهو خير لكم"