[oliver68]

كاتب النص الأصلي : ta_06

رد هو فقط عن فلسطين
طيب وحدة وحدة
"هالعمليات هنن شباب مغسول دماغن، "
ما في حدا بيقنع آلاف من الاستشاهديين بالموت لانو أغلى من كل شي هو الروح ما قنعو واحد أو تنين
"بعدين كلها عمليات لمصلحة الاعداء"
ليك كانك عايش بعصر ما قبل الإرهاب يعني قبل قيام الكيان الصهيوني ما رح اخذ واعطي معك كتير بالموضوع هادا طيب شو عملنا ننحن لليهود حتى يجو من آخر الدنيا لفلسطين ويشكلو عصابات ارهاربية اجرامية وقتل العرب في فلسطين وهجرون ويعملو مجازر لا تعد
يعني ما في داعي لاي حجة سوى انهم حاقدين والأجرام يسير مع دمائهم
"و كمان مشان تضل المنطقة بحالة فوضى"
ومين قلك انو لمصلحتون تبقى المنطقة متوترة وخاصة أمريكا وهي حليفة إسرائيل أكيد مو لمصلحتون وهي ارض الثروة وهي المكان يلي صنعو في كيان بدو الفوضى و الحروب و عدم الاستقرار لحتى يزول
" اللي بجند شباب مشان هيك عمليات شو ما كان الانتماء، يعني مسلم مسيحي شيعي شوعي............، "
ما في داعي قول شي عن هادا لانو أكيد نا عندك أي معلومات عن المنظمات الجهادية

صديقي الغالي، أول شي مو كل كلماتك فهمتها، بالظاهر الكي بورد تبع كمبيوترك فيه مشكلة، مو مهم، المهم الفكرة الأساسية لردك، و انا ما بقدر اقنع كل هالعرب اللي بأيدوا هيك عمليات(استشهادية متل ما بتحب تسميها)، الزمن وحده الكفيل بإنجاز هالمهمة، بس حابب قلك رأيي بالموضوع، العرب الكتار اللي مقتنعين بالفكرة، معظمهن نايمين عن الحقيقة، و هاي هية نتيجة الاستعمار، مشان هيك رح قلتلك إنو الزمن بس كفيل بإظهار الحقائق، بعدين معظم الشباب العربي يعاني من أزمات نفسية، نتيجتها البطالة و قلة الحيلة، يعني بتلاقي دكتور شفير تكسي، و بتلاقي واحد يا دوب ناجح بالتاسع، بتلاقي مستلم شي منصب حساس بالدولة، يعني العربي "يعيش ليأكل" بس لياكل، لأن يا دوب بشغلوا يلحق لقمة الأكل لولادو، و أنا الله يسترني من إنو اليأس يا كلني و روح أعملي شي عملية انتحارية مشان لاقي حجة موت فيها و أخلص، و العالم كلها بتسميني شهيد.
بعدين يا غالي عارضتني لما قلت إنها لمصلحة الأعداء، بدي اسألك سؤال، بعد قريب ال80 سنة نضال، و عمليات استشهادية، شو نابنا نحنا العرب غير الدمار، اسرائيل زاد نفوذها و قوي اقتصادها، حماس استلمت السلطة و الرواتب انقطعت عن الموظفين، و اخترعولنا عمليات خطف وزراء من حماس، كأنو نحنا أغبياء و مو عرفانين إنو "خطفوا" الوزراء مشان يطبخوا طبخة جديدة كالعادة معهن، ضحيتها الشعب المسكين.
أما إنو مافي مصلحة لأميركا و اسرائيل بالفوضى في المنطقة، فما بعرف شو بدي رد عليك، يعني أهم قاعدة بالحرب هيي التفرقة و خلق حالة من الفوضى، و بصراحة عنجد حيرتني بفكرتك.
و مشان تعليقك الأخير، حاولت افهموا، بس ما قدرت، و بظن إنو مرة الأحزاب الشيوعية جندت فدائيين، و حزب الله منظمة شيعية، و القاعدة سنة، و بذكر مرة سمعت إنو شب مسيحي فجر حالوا عند حاجز اسرائيلي.
بس رغم كلشي صديقي بضل هادا مجرد رأي شخصي، مو أكتر، يعني ما بدي أعمل حزب أو منظمة بتعادي فكرة الفدائيين، بس هي مجرد رأيي الشخصي مو أكتر، و بتمنى إني ما كون جرحتك أو دايقتك بشي كلمة، و بالآخر أنا كتير مبسوط بالتعرف عليك، و فرصة سعيدة يا غالي.