اقتباس:
كاتب النص الأصلي : Reemi
كيف جبت هالعشره ما بعرف 
ع كل ما خسرنا شي  |
مين؟! ريم! لك شو جابك بين الحلبيّة؟ جايبة سكور أدّي يعني شاطرة وبري عليكِ .
شفتِ اشقد أنا متواضع لدرجة الانسحاق!
اقتباس:
كاتب النص الأصلي : zerocold hacker
هههههههه
والله ما خطرلي اني اعرف ولا كلمة 
بس منيح جبت 8 من 20
ولو انها اقل علامة بين الكل 
بس يللا طلعت الاولى من الاخير |
زيروكولد معنا... يا أهلا وميت السلامة بهالقامة!
لا تزعلي كتير أكيد أنت الوحيدة الصادقة والشباب كل واحد زودلوا علامة أو تنين .
اقتباس:
كاتب النص الأصلي : stormsmaker
بحكم خبرتي بفحوصة الاتمتي بالجامعة قدرت حصل 10/20
بس حمصي اصيل 
|
حمصي بس نصك حلبي بحكم العلامات!
اقتباس:
كاتب النص الأصلي : يمان Rooooonaldo
انو .. الحمد لله عملتو من قبل وجبت 6 بالمساعدة من بعض الاطراف ..
+ بس انو شو مشان مكركر لك .. خيو قرصان .. طير طير عالسقيفة .. في موضوع لميرو .. نفس الوضع ..
|
اعذرني خاي واللهِ ما شفتو وإذا مكرر فخلي الشباب الطيبة يكبوه بالزبالة!
أصلاً أنت طلعت الأخير 6 يا عيب الشوم عليك وأنا اللي بفتخر فيك قال .
اقتباس:
كاتب النص الأصلي : sona78
9 من عشرين 
بس ما حبيتها هي ادلبي
يعني مو بس ادلب.......... ذكر كمان 
بدنا شي امتحان لاهل اللاذقية ..... حدا عندو فكرة ؟؟؟؟؟؟؟؟؟ |
طيّب هاد امتحان لأهل اللاذقيّة:
بحسب كتب التاريخ في 2 "لاذقيّة" في العالم، وحدة عنا بسوريّة والتانية وين؟!
السؤال التاني: اذكر الرواية الأولى اللي كتبها اللاذقاني حنا مينه!
التالت: كتب حنا مينه حياتو ضمن روايتين شو هنّ؟!
اقتباس:
كاتب النص الأصلي : MaTyA
شو يعني جزراوي  يعني لاي بلد للرقة مثلاً  |
اقتباس:
كاتب النص الأصلي : MaTyA
اها .. لا انا اخد ببالي جزر هاواي وهديك المناطق برد قرصان
بس لما شفت رد ياس عرفت انو شي متعلق بمناطق سورية بما انو هوي من منطقة سورية
طيب ادا الرقة ودير الزور جزراويين .. ليه بيجاكرو بعض بالمقلاية |
الجزيرة مصطلح جغرافي لهضبة صحراويّة تقع بين نهري دجلة والفرات. سكنها السريان أولاً فالأكراد، وأتتها العشائر العربيّة وسكنتها ديار ربيعة في شرقها، وديار مُضر في غربها، وديار بكر في الشّمال. فتحها عيّاض ابن غنم 639- 641. كانت مناطقها تتوزّع بين العراق وتركيّا وسورية (اليوم). إلا أنّها حديثاً أصبحت مصطلحاً جغرافياً للمنطقة الشمالية الشرقيّة من سورية: محافظة الحسكة كاملةً وأجزاء من محافظتي الرقّة ودير الزور. (يعني نحن الأصل ).
بالنسبة للمجاكرة ففي عداوة تاريخيّة بين هالمحافظات الثلاث!
محافظة الحسكة خليط كبير من الأديان والمذاهب والأقوام والعشائر: الأكراد والعرب والسريان والكلدان والآشوريون والأرمن والدروز والإيزيد والجركس... إلخ. عدا أهل المحافظات الأخرى يللي عاملين تجمعات خاصة بكل بلد!!!
محافظة دير الزور فغالبيتا عشائر عربيّة لكن بيعتبروا حالهن أهل مدينة وبيذموا أهل الرقة يللي هن كمان عشائر عربيّة بس معتبرين من قبل أهل المحافظتين لسّاتن ريفيّين!
Mors ultima ratio
.
www.tuesillevir.blogspot.com
|