[اممي]

كاتب النص الأصلي : ابو عمير السوري

مهما ذللنا في أوطاننا مهما تجرعنا مرارة الغربة في أوطاننا ومهما قاسينا.........سنقف مع ايا كان مسماه ضد المحتل ولن نخون أوطاننا في سبيل حرية زائفة ورخاء على أنقاض اخوتي وابناء عمي.......الوطن أغلى من أي شيء لن نخون لن نخوننننننننن

هاد شعارات رفيقي لان الي بياكل العصي مو متل الي بيعدها و
الكف الي بتاكل من اخوك بفرع التحقيق ومشهد قتل ابنك علي يد ابن وطنك اصعب ب الف مرة من ان يكون المقابل عدو معروف الهوية
الي وصل الو العراق خلال حكم النظام المقبور مافيه توصلوا اي دولة عربية تانية
عم احكيك من واقع عشت بهداك البلد لمدة خمس سنين ياشباب مافي حدا فيه يتوقع حياة الي كانوا عايشين فيها احد اغني واكثر شعوب المنطقة ثقافة
اليوم العدو صار معروف فيك تحمل قاذفتك وتصوب عليه وكل العالم متعاطف معك وهاد الفرق
هاد مابيعني اني انا مع تعميم اسلوب التغير من الخارج والخلط الي عم تحاول الفضائيات تخلق
فمثلا السيناريو الاميركي الي صار بالعراق مستخيل يتكرر ببلد متل سوريا لسبب كتير كبير ان رغم المشاكل الي عنا بس الشعب عند الجد منو مستعد يتخلي عن قيادت لان قيادتنا واسلوب تعاملها مع الشعب غير قابل للمقارنة لامن قريب ولا من بعيد بالنظام القعمي البربري الي كان سائد بالعراق

انا بعرف ان كتير صعب حدا منكن يفهم صبا او اي عراقي تاني لان بالفعل ماحدا فيه يفهم شو كان عم يصير لمدة 25 سنة من حكم جلاد كان عدو لشعب قبل معادات لدول المنطقة
الله يرحم حافظ الاسد الي كان الرئيس العربي الوحيد الي كاشف عمالة صدام للانظمة الغربية ومتل عادة هالانظمة بتسحق عملائها لما بيخلص دورن