[bki]

كاتب النص الأصلي : yass

" و في نهاية الاحتفال قام السيد المحافظ و الرفيق أمين الفرع بتوزيع هدايا و مستلزمات دراسية و رياضية على بعض طلاب المدرسة من الفقراء و المحتاجين".
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
لا أستطيع أن أتذكر أيام المدرسة دون أن أتذكر معلمتي بحنين, فقد كانت, و ما زالت, إنسانة عظيمة, معلمة و أم رائعة جدا, و لها فضل كبير على أجيال, و لن أنسى فضلها علي مهما حييت...
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
(مؤسف جدا أن أعتبر وفاة شخص حظا جيدا)

السلام عليكم أخ ياس, والجميع دون استثناء,

أحيناً بالبيت بنعمل ثرود ( بتوقع إنك تعرف معنى هالمصطلح ) ولما بنخلص بتقوم الوالدة الله يحفظها ويطول بعمرها بتزبيط وتزيين الباقي وارسالو لشي بيت فقير من الجيران, كنت كثير عارضها, إنو يا ماما, بيكفي إنو عم تطالعي من الأكل قبل أكلنا اللي فيه النصيب, ليش لتبعتي فضلاتنا للناس, فكانت اتقلي يا بني, الفقير مابيهمو المظهر, هاد الأكل اللي بتسميه فضلات ممكن يسدلو جوعة فليش لكبو وفي حدا ممكن يستفيد منو. فكنت اسكت قدام المنطق اللي عم يحكيه شخص عرف الفقر والله أنعم عليه بعدين بشوية يسر, فمانسي معنى الفقر, ولهلا كل مابتزورها وحدة من جاراتها أو اخواتها اللي عندن عيال كثر وحالن المادية سيئة بتكون محضرتلن شوية ثياب من اللي الله بيقدرها ع لممن وبتحطن بكيس أسود وبتحملن مع مية يمين وبدون أي مجال للنقاش, حفاظاً على ماء وجه الأخرين, مشان هي بقل ياس, الفقير مارح يزعل من المساعدة لأنو هو بحاج ملحية إلها خاصة بمناطقنا النائية اللي الواحد فيها بيكافح وبيموت مية موتة لياخد أبسط حق من حقوقو واللي هو التعليم, التعليم عنا مجاني من حيث الرسوم, بس ثمنو الدم والعرق من حيث الواقع, من وجهة نظر أب عندو كم ولد بالمدارس وماعندو غير راتبو ليغطي كل هالحكي, لدرجة إنو بيلعن أبو التعاون والنشاط مية مرة لما ينطلب من ولادو, كان الوالد الله يطول بعمرو ويجزيه عنا كل الخير مايعطيني هالتعاون والنشاط إلا لما بنكون وقفنا قدام الاستاز شي كم مرة لأنو ماكنا دافعين, فالمساعدة بيتقبلها الفقير وبامتنان كمان علماً إنو المنة لله وحدو, بيتقبلها شرط إنو تكون مقدمة بطريقة صحيحة, بس الحالة الأبش هي لما بيكون التكريم ظاهرياً بس, لأنو اتذكرت قصة صارت معي مرة, إنو كنت الثاني ولله الحمد ببطولة الجمهورية برياضة ايام الثانوية, فقالولنا إنو في تكريم بمناسبة مابعرف شو من اللي حكيتن ( لكثرتهم صرنا انضيع بيناتن ) فرحت ع التكريم وانذاع اسمي, واستلمت الهدية ولما فتحتها بالبيت ضحكت من قلبي واخجلت من أهلي لأنو كانت الهدية عبارة عن بنطلون بيجاما شغل البسطات أبو 25 ليرة لونو أخضر قطني رقيق جداً ومابيلبس أخي اللي كان وقتها شي سادس سابع ولو لبسو فما بيستر شي لأنو بدو شي تحتو ليستر, فضحكت وقلت أنا اللي لعبت المبارة النهائية هي جزائتي فالله يعين صاحب المركز الثالث, يمكن هديتو *****************


النقطة الثانية الله يرحم أيام زمان ومدرسين أيام زمان واللي كانوا بالعموم إلا ماندر قلبن واحساسن وروحن وكل مشاعرن مع طلابن وكانوا قدوة بل معنى الكلمة, مو مثل هلا, أنا اتفاجئت مرة لما رحت زيارة ع الأهل إنو حتى طلاب الصف الأول ابتدائي بياخدوا دورات خصوصي, أوف أوف أوف أوف أوف لهالدرجة التعليم عنا صار منحدر وزبالة ومادي؟؟؟؟؟

النقطة الثالثة بدي قول كلمتين, رحم الله امرءاً أعان ولده على بره

ونوم الظالم عبادة


إلك تحياتي ياس وأسف ع التطويل