[nour333]

كاتب النص الأصلي : yass

هممممم.. مو شرط

النزعة الانتحارية مختلفة باختلاف الأشخاص و الحالات, بس قليل كتير جداً منها وليدة لحظة, بالعكس أغلبها نتيجة دوامات طويلة جداً من "التفكير" ضمن Feed Back نفسي سلبي جداً .... بعلم النفس في نوع من التخطيط البياني المجازي لطريقة تفكير الانسان, و الانسان الطبيعي يسعى دائماً لأنو يشوف مخرج لهالحالة السيئة اللي هو بيها, لكن الناس المريضة نفسياً و خصوصاً بالاكتئاب يصير التفكير السلبي مثل الرمال المتحركة.. كلما فكر فيها أكتر كلما غاص أكتر..

لذلك جزء من "شجاعة المنتحر" انو هو يعتقد انو يقدم على هالفعل لأنو بمنظورو السوداوي السلبي مافي غير حل..

المزبوط هو انو عادةً (مو دائماً) النزعة الانتحارية الحقيقة بتكون سرّية, ما يطلعها المنتحر على حدا أبداً أبداً لأنو المكتئب عندو نفور من الآخر لسببين, الأول هو انو دائماً في نزعة لتحميل الآخرين مسؤولية و لو جزئية عن المشاكل النفسية, و الثاني انو يعتقد دوماً انو ما حدا فهمانو و ما حدا مقدّر ظروفو و مشاعرو. و أغلب حالات الانتحار أو محاولات الانتحار الفاشلة أو اللي تصير مع زيطة و طبلة هي محاولات للفت الأنظار (حتى لو صاحبها ما فكّر هيك ع بساط أحمدي) و يقوم بها ناس عادةً مهمشين أو يعانو من ظروف عائلية سيئة و حاسين انو المجتمع "نسيانهون".

معقول يا صديقي ما فهمت علي انا قلت التنفيذ يكون لحظي مو على فترات لأنو بجوز نضعف امام غريزة الحياة اما التخطيط اكيد بكون اخد وقت وطبعا المنتحر الجدي ممكن ما يخبر حد او لما يخبر بكون الهدف انو الآخرين يحلولو مشاكلو وازا اهملو بنفذ

هلا على قصة الانتحار للفت الانظار انا كنت ناوي نزل قصة جيهان اللي طلعت على عمارة بدوار الداخلية ميدان جمال عبدالناصر _عمان الجمعه الماضي وقت العصر وكيف لمت الناس حوليها
انتظره قريبا