اقتباس:
|
كاتب النص الأصلي : كوستا
خيو رح نجابك
بالنسبة ل الله بالمفهوم الديني عند اي دين من الاديان السماوية
خلق الارض بستة ايام وارتاح باليوم السابع يعني كل يوم كان يساوي شغلة او يخلقها
فشو مفهوم اليوم الزمني عند الدين يا ترى ....انا من ناحيتي ما بعرف هل هو نفسو اليوم يلي عم نعيشو هلأ ام الو غير ترتيب او بجوز يكون معنى مجازي لمفهوم العقلية البشرية بهداك الوقت
بس رجال الدين ممكن انو يفسرو اوضح مني اذا بتسالون بس انا جربت وسالتون للكل وما حدا عطاني جواب شافي
وبالنسبة للتفاحة هي بالنهاية رمز مو اكتر بالمفهوم الديني او متل فيك تقول عم يجربهون
بس هاد سؤال انا بحتار فيه لانو اذا كان فعلا موجود الله وهو بيعرف بالغيب وكل شي فليش عم يجربهون؟؟
وبالنسبة للوقت يلي اكلو فيه التفاحة كانو هنن بالجنة بس ايمتى ما حدا ذكر بجوز بعد يومين او بعد كم شهر او بعد كذا سنة واذا لقيت الجواب فياريت تسال انو الزمن هو نفسو هلأ يلي عايشينو
اما بالنسبة للمنطق العلمي فهو انو ما في ادم وحوا ولافي الله موجود ولا جنة ولانار
فشلون بدنا نجاوب على نظرية مانها موجودة
وانا من ناحيتي رح قلك شو الله بالنسبة الي
هو عبارة عن الضمير يلي بفكر فيه براسي مو الله تبع المسيحية والاسلام واليهود
وانا هاد الله يلي بآمن فيه وهو العمل الصالح والانساني لاخي الانسان مين ما كان يكون
ما بعرف اذا وصلتك؟؟؟
وشو صار معك بالسقيفة؟؟
|
هلأ انا رايح على الشغل وبس ارجع رح رد هون
وانتي كنت الفتيل لحتى اكتب الموضوع اللي بدي اكتبو بالصالون وصرلي فترة عم فكر في بس لارجع من الشغل طبعا
بالنسبة للسقيفة ما خوفتوني 
انا بحبك وانتي بتحبيني وفخار يطبش بعضو
بحموشك انا بحموشك
|