حبيبنا يمانو ...
اول شي لو نجي على الجزء الاول ...
و كانت المشكلة ... من خلق الشر ؟ و الطالب الاول لم يجب
هلا ممكن يكون فقرة تشبيه الموضوع الضوء (فوتونات) و الظل (عدم مرور الفوتونات) ...
هي بحالة الابيض و الاسود
المشكلة اللي تواجهنا هي الآتي .. (شبه الظل)
يعني شخص وصلت للشرطة انو رح يغتصب بنت ... بس ما في دليل مادي يكفي لاصدار امر بالقبض عليه (قبل وقوع الجريمة) ... هلا اذا انتظروه حتى يعمل الجريمة حتى لو انقذو البنت باللحظة الاخيرة (البنت ما رح تخلص من الاثار النفسية العنيفة)
او اذا قبضوا عليه (بناءا على نيته السابقة) بدون دليل و ممكن يتسعملوا معه القوة
أي العملين ممكن نعتبرهم صح و ممكن نعتبرهم غلط ... هون رح تدخل الظروف و الملابسات بالموضوع ...
اقتباس:
كاتب النص الأصلي : يمان Rooooonaldo
عمي ابو سارة الورد .. 
المبادئ الاخلاقية عبارة عن مجموعة من القيم والاعراف المتبادلة بين مجتمع وحضارة .. بتختلف من حضارة لحضارة وعم تتغير من زمن لاخر ..
هي لو بدنا نحكي .. بغض النظر عن الدين او الفكر اللي كل مجموعة داخل هي الحضارة وهالمجتمع .. بينتمو الو .
هلا .. المبادئ الاخلاقية ضمن هالمجتمع او الفترة او الحضارة المعينة بتختلف من مجموعة لمجموعة بقا
.. حسب المعتقدات والافكار والدين .. والتربية والبيئة اللي عاش فيها هاد الشخص ..
في خطوط اخلاقية عريضة بتكون .. موجودة ومفهومة .. بكل بيئة .. بتختلف عن غيرها مع تغير الازمان والاماكن ..
هلا .. شي طبيعي يكون شي ما معين .. اخلاقي عند البيعض وغير اخلاقي عند البعض الاخر ..
ولكن .. لو بدك تجي للواقع في شي بيكون غير اخلاقي عند الجميع .. وين ما اختلفت العقائد والحضارات والمجتمعات ..
مثلا لو بدك تحكي عن سلوك السرقة .. او الاغتصاب .. هاد العمل مانو اخلاقي ابدا ..
|
اقتباس:
|
انت رحت اخدت هي النقطة ونقطة العدل والظلم .. ومتل ما حكا هوة انو الفجر والفسوق هوة غياب للمبادئ الاخلاقية ..
|
ما ممكن نلاقي شخص ما ملتزم بالمبادئ اخلاقية ... بس ما يرتكب الجريمة ؟
خلينا نتفق على شغلة عامة .. انو الانسان ما بيحب ارتكاب الشر بالظروف الطبيعية
و من يرتكب الفضائع يلاقيلها مبررات قبل ما يرتكبها او يحبذ وقوعها بس مو على ايدو
من تجي تحل معادلة 1 +1 = 2 ... مو معناه انو حلينا معادلة 1 *5 = 5
المعنى ... انو من تقول غياب المبادئ الاخلاقية ... هو الفسق ... معناها طلعت نتيجة مفادها نا كثيرين فاسقين و فاجرين
و لو افترضنا انو غياب المبادئ الاخلاقية عند هذا الشخص خلتو يغتصب او يقتل شخص ... عم نلغي اسباب اخرى اجتماعية و شخصية و عقلية
بثقافاتنا المحلية ... ترفض الفساد الجنسي (خصوصا من تتعلق بافراد العائلة)
و لكن تتقبل الرشوة و تتقبل الواسطات بشكل فضيع
و تتقبل انو تاخذ فرصة غيرك لانك عندك واسطة و انت تعرف كل المعرفة انو غيرك يستحق هذه البعثة او هذه الكلية او هذه السيارة .. الخ
و المبرر السائد هنا ... انو غيرك نجح بالواسطة معناها الفرص اساسا مو متكافئة (و معناها انو العدالة المطلقة غائبة)
و لذلك برأيي .. مو دائما غياب المبادئ الاخلاقية يعني فسق
لان الفسق كلمة كبيرة اكثر من مجرم او مذنب ...
هذا الفرق بين المطلق و بين الوصع الحقيقي
اقتباس:
|
العدالة .. هية عملية المساواة ما بين 2 مثلا وقت بيكون بينهم خصام معين .. او العدل ما بين الاشخاص من ناحية تامين الفرص بدون ما يكون في واسطات .. ومحسوبيات ..
|
رح قلك شي ... اساسا الافراد مو متساوين حتى تقول المساواة بينهم
يعني مو كل المغنين يملكوا نفس القدرات و نفس الذوق و نفس الظروف ...
و لازم نفتح موضوع خاص عن العدالة
اقتباس:
الظلم هوة عملية .. عدم التساوي او عدم الحكم العادل ما بين الشخصين المتخاصمين .. لاسباب معينة .. بتخص احدهم دون التاني وبهيك بكون الشخص التاني ما اخد الحق المفروض عليه ..
لذلك وقت بكون ما في عدل .. بكون في نوع من الظلم صار عالطرفين .. لانو ببساطة يا بكون الحقوق متساوية بالضبط بين التنين او بالاحرى صاحب الحق بياخدو .. يا اما .. بدو يكون في طرف زاد عطرف تاني ولو بشوي .. وبهي الحالة ما بكون في عدل .. بالنص ..
|
نرجع على الواقع قبل ما نحكي بالمطلق
من نجي على جرائم قتل الشرف .. هلا ابو الضحية و عمامها ... رح يقلك مرتي لوثت شرف العائلة
هون مشكلة كبيرة ... انو شخص لقى مرتو في حالة علاقة جنسية مع طرف آخر
اذا قتلها .. هو خالف القانون (ما يحقلك تنهي حياة شخص بدون القانون) بس بنفس الوقت هو انضر نفسيا لان هم على قانون زواج
هون صارت شغلة معقدة جدا ... و طبهعا الا ما يكون الو دور بالحالة
لذلك العدالة مو 1+1 ... العدالة مصطلح كبير
اقتباس:
نفس الوضع بالنسبة .. للظلام والنور اللي حكا عليهم .. وقت ما بكون في نور .. لح يكون في ظلام .. بس ما فيك تقول انو الظلام هوة اللي بيتحكم بالنور لانو انت ما فيك تزيد الظلام فيك تزيد الضو .. وتقويه ..
|
طبعا انا و انت توسعنا كثير بالمفاهيم ... بس لانو المحادثة اساسا (حدثت او لم تحدث) ...
بس هي غير فلسفية .. وانما افرتاضات مطلقة
و كانت بدايتها حول وجود الله .. و انتهت الى االاديان .و ما فاتت بأي فسلفة حول الدين نفسو
و الفرق هون .. انو الله مطلق .. كحقيقة مطلقة
لكن الاديان فيها كثير من التفاصيل اللي ما يحب المؤمن فيها الخوض فيها فلسفيا !
و دائما بكل الاديان ربط الايمان بوجود الله بصحة الدين و النبوة ...
طبعا فعلا مستمع بالنقاش معك و طرح بعض الاطروحات اللي ما متطرقين الها ... وردة الك
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟
لن نبق اسرى الماضي ...