طول عمرو تمسيح الجوخ وكلمات الضحك على اللحى بتسببلي ارتفاع ضغط و بتخلي الحوار يفقد المعنى تبعو (بعرف الجملة مانها صحيحة قواعديا بس هادا اخر همي لانو ما كتير بتهمني العربية الفصحى )
طبعا ما قريت كل الردود قريت لحد ما بلشت التحيات ورفع القبابيع (انتبهولي عالقبابيع انا جمعتها هيك قصدا )
المهم قد يكون الموضوع اسعتو مهم لبعض العالم لهيك ما رح طول كتير بالحكي وما رح انزع الموضوع بس حبيت علق على هالجملة
اقتباس:
كاتب النص الأصلي : قرصان الأدرياتيك
وَ إن كان مراهق لم يتجاوز الثامنة عشـرة من عمره
"مراهق" اسمُ كانَ ومن حقّها النّصب!
|
هلأ ما بعرف اذا انتي غلطان باعراب كلمة مراهق وقايل انها اسم كان وهيي خبر كان
او انو هيي فعلا (عفوا ما حطيت تنوين النصب لانو ما بعرف محلو عالكيبورد ) اسم كان وانتي حكمت عليها بالنصب مع انو اسم كان حكمه الرفع دائما
او انو هيك خطأ مطبعي دمجت التنتين مع بعضن
اسم كان وأخواتها
تعريفه : هو كل مبتدأ تدخل عليه كان ، أو إحدى أخواتها .
حكمه : الرفع دائما