[الحاج متولي]

كاتب النص الأصلي : ranouch

اول شي بدي علق على شي قالو احد المشاركين إنو الحجاب بيمنع ضعاف النفوس منارتكاب الخطأ


ليش ما منحل المشكلة بالتربية الصح والانفتاح على الآخر والتوعية والاختلاط الموجه ضمن المدارس وغيرو

المشكلة إني إنتي عم تطلبي المستحيل .......لإلك ليش
أولاً اليوم يوم يلي بنفتح مدرسة تربوية مختلطة بيكون صار عنا 100 نادي ليلي وشوفي الدليل عنا مثلاً كل كام سنة بيفتتحوا مدرسة وكل كام شهر بيفتتحو نادي ليلي أو مطعم لا و أحلى إشي صارو يفسدو الشباب و العائلات عن طريق الدين يعني على سبيل المثال صارو يعلنو على المحطات الفضائية .....بمناسبة شهر رمضان المبارك نقدم أطيب الأكلات و المقبلات في الخيمة الرمضانية (........) على صوت المطرب (....) و الراقصة ( ) برنامج ترفيهي كامل من الفطور حتى السحور ...إيه شو هالشهر هادا يلي الواحد فيو لازم يرجع فيو لربوا إزا كانت مشاغل الدنيا بعدتو عنو
وين الإصلاح يلي عم تطلبي إذا كان كل العالم عم بيحارب الأخلاق و القيم يلي بتخلي الواحد ينردع عن إرتكاب الأخطاء
نحنة إذا كان لابد وإننا نفكر بإصلاح المجتمع وإرتقائو إلى مجتمع متحضر فنحنة لازم الأول نبدا بمنع أنفسنا ومنع شبابنا عن مفسدات المجتمع عن طريق فرائض قثا علينا ديننا سواء كان دين إسلامي أو دين مسيحي
ممكن تجاوبيني كيف بدنا نربي أولادنا عن طريق مدرسة تربوية نظيفة مختلطة ونسبة المدرسين والمدرسات أصحاب الضمير الغائب موجودين بنسبة كبيرة كتير.....ممكن أعرف كيف بدك تأمني على أولادك بهيك مدرسة يلي صار فيها بيع السجائر و المخدرات و المجلات الجنسية أكتر من بيع الحلوى و الكتب.....
ياعيني المشكلة متل ما قلتلك إني الحرب على الأخلاق صايرة الشغل الشاغل للغرب و الصهاينة بالتحديد لإني هنن ما بيحسو بأمان إذا كنا نحنة على خلق وطول ما نحنة بدون أخلاق فموضوع تفككنا سهل كتير بالنسبة لإلهن وهنن ما بدهن أكتر من هيك
و الدليل على كلامي إني الإسلام صار إلو أكتر من 1400 سنة ماحدا حارب فيو الحجاب إلا من فترة قليلة ..تحت شعار التحرر وهنن في الحقيقة بدهن نتحرر من أخلاقنا ومن ديننا يلي هنن عارفين إني إذا كان المسلم أو المسيحي ماسك دينو كويس ومربي أولادو على مبدأ ديني تمام ...صعب كتير الواحد يحاربو أو يفككوا
وأخيراً وليس آخراً شكراً كتير كتير لإلك على مشاركتك.. ..وآسف للإطالة