اقتباس:
كاتب النص الأصلي : i m sam
أنا معك بس بدك تنتبه لقصة انو هدف الشب عم يتحددد من قبل ما يولد.
يعني ابوه وامو عم يقولو شو بدنا اياه مو هو عم يقرر ويختار." طبعا عم احكي عن غالبية مو الكل لكن هي الغالبية هي كبيرة ومو قليلة".
وفي قسم آخر من الطلاب اساسا ما عندهم هدف. يعني اسألوا شو ناوي تدرس يا اما بيسكت او انو بيقول طب او هندسة!!! بس يا ترى هاد هدفو يلي بيحبو ولا اختيارو قدام الناس مشان يبين انو مستواه عالي؟؟
عالهامش:
طبعا الحكي تبعك بالبداية نظريا صح وهيك لازم يكون... لكن بدك اولا تغير نظرة الناس وثقافتهم ليتغير هيك قانون.
من يومين ما بذكر وين قريت انو" الشعب هو من يصنع القانون وليس القانون هو من يصنع الشعب".
|
والله كلامك نظامي ..
يعني نظام التربية والتعليم لازم يبدا من البيت اول .. بعدين بتابع بالمدرسة
وبالنسبة للنقطة اللي زكرتا تبعت شو بدو يطلع فرح احكيلك
انا يامعلم خلصت بكالوريا وبصراحة من زمان عبنسأل شو بدك تدرس وانا بصراحة ماعبعرف شو بدي لحد هالحظة
يعني مابعرف اعلام بحبو بس مستقبلو مو مضمون .. ولا ادارة اعمال .. ولا سياحة .. كلن هدول بحبن بس بخاف منن وماعبعرف شو بدي منن لانو مالي عرفان ازا انا حابن عنجد
بالمقابل يا اخي بقول بدي ادخل هندسة مع انو مابحبا كتير بس مستقبلا مضمون .. طلعلي صيدلة بس كمان مابدي .. يعني بشكل صلي كزا سنة ماعبعرف شو بدي ولا شو رح يصير معي .. وواقف مكاني محتار شو بدي
وبعيدا عن هالقصة بس انو بشكل عام مرحلة التاسع واللي هي محور حديثنا فمالا اي دخل بحياتي ولا اي تاثير لا
لانو انا دارس تاسع مو بسوريا فانو عادي نجحت ودخلت اللي بدي ياها .. وهادا المزبوط
وبالكالوريا هون بصير الحكي