ميمو...مسا الخير .. انا حابه اسالك كم سؤال وشكرا الك لانك قبلتي ....
بيعجبني فيكي ايمانك ...وعلاقتك مع الرب ....الي انا فاقده هل الشي ..
وكونو المسيح نادى بالمسامحه ....مرسيل كم لك من القدره على مسامحه الاذيه لك ...
بشكل مطلق هل بسامح هيك .. لأ ما بشكل مطلق بس بحاول أني سامح او أني ما أحقد .. بس ما بيمنع أني كون حذرة بالتعاطي مع الأشخاص اللي أذوني
هل تؤمنين بالزواج انه نهايه الحب ..ونهايه المستقبل العملي للمرأه ...
حسب أيا زواج .. الزواج اللي تقليدي وبس لأنو بدها رجل .. أي يمكن يكون هيك
بس الزواج اللي أنا بعتقد فيه .. هو شراكة بيكبر فيها الحب .. وبيتعمق ما بيضل مجرد شعور بالخفقة تبع القلب وهالقصص .. وبعتقد أنو الشريك اللي بيحب عن جد رح يشجع طموحي و مستقبلي
اخويه أذيتك؟؟؟ ...ولا الناس الي فيها ؟؟؟.....وشو بتحبي تنصحيني كعضوه جديده باخويه ؟؟؟؟
أخوية .. والناس اللي فيها
أخوية وعت فيي شغلات يمكن كنت رح أكون أبسط وأكثر سعادة لو ما عرفتها ..
الناس اللي فيها هدول بقى سيرة طويلة 
أكتبي .. عبري .. شاركي .. حبي أخوية .. انطري شوية وقت لتحكمي عالعلاقات بأخوية لأنو كتير اخوية مجتمع كبير ومتنوع ..
وخليكي مشرقة
هل تشعرين بعدم الانصاف بالحياه .؟ من اي جهه ؟ ان كان جوابك نعم ...
لأ .. انا شخصيا لا أشعر ان الحياة ما أنصفتني .. لا بل أعتقد أنو الحياة اعطتني الكتير .. 
وبعتبر حالي محظوظة
ماذا تعني الغيره لمرسيل ....ومما تغار مرسيل ....؟؟؟
بغار ع اللي بحبو .. بس بدون جنان وانو اعتقد اني رح كون الحبيبة والصديقة واختو وامو وكل شي
بغار من اللي بيمتلكو هدوء .. خاصة انو ما عندي منو هادا الاختراع
وبغار من اللي بيقدرو يمسكو دموعن ..
شو رده الفعل لمرسيل على الاشاعات ؟؟؟؟ الهروب ...ام المواجهه ..ولا التطنيش ....؟؟؟
طنش .. مانك مضطر تفسر لكل الناس انت مين وشو .. وإلخ إلخ إلخ ..
هل اوجدت مرسيل نفسها بالعمل ..ام بالكتابه ....اكتر
بالكتابة أكتر .. يمكن لأني صرلي كتير بمارسها ويمكن لأنها بتشبهني تماما / بتعبر عني ...
بكفي لهون ....
لك كل الود وشكرا لان قبلتي أسالك ميمو .....
ولو يا بنوتة 
انا بس بحب قلك شغله ....من خلال كتاباتك ...وردودك ...بتمنى اضلي متل ما انت ...butterfly....
اخر سؤال ...كيف ممكن انعدى منك وارجع أقرا كونو وقفت من زمان
حاولي أول فترة تشتري الكتب اللي ما بتحتاج وقت طويل لتنقرا ..
يعني قصص قصيرة / شعر / مقالات
اقري كل يوم قصة او قصيدة او هيك
زيديها بعد فترة وهيك بتلاقي حالك رجعتي تقري وعين الله عليكي
صوفي ....
مرسيلو