اول شيئ هاللعبة اكيد انلعبت من قبل مع اختلاف الطرفين
لانو اذا ارجعنا لورى شوي بنلاقي انو سبب اي اختلاف قوتين هو حركة متل الحركة اللي عملتها روسيا
هلا في شهر صار الاعتراف بدولتين على حالهن...يا ماشاء الله...
بنلاحظ انو روسيا عم تلعب اللعبة بسرعة كبيرة ..لانو امريكا ملتهية في انتخاباتها و العالم ملتهية بمعرفة مين رح يكون زعيم العالم الجديد..و روسيا بتعرف انو سياسة امريكا يعني اوباما ما رح تتغير عن سياسة بوش اللي هي سياسة تطهير المعمورة من الارهاب فاكيد روسيا ما رح تتفرج على الانجاز الامريكي من غير ما تحرك ساكن و هي القطب التاني من العالم و الها حلفاء بتخاف تخسرهم في ظل موضة امريكا
هلا رجوعا الى سؤالك انو ليش سوريا وقفت ورى روسيا :
اول شئ لعبة بسيطة بدك تلعبها بالحروف بدك تقلب حرف الراء و السين تبع روسيا تطلع في سوريا.. يعني في لعبة سياسية متل شغلة الحروف عم تنلعب...
روسيا عم تشوف اصطفاف حلفاءها الواحد ورى التاني ورى امريكا
و عم تشوف توزع قواعدها و جيوشها في القارات فكان لازم من روسيا انها تثبت و جودها او بالاحرى تثبت عدم انتهاء صلاحيتها في العالم العربي اللي عم تفقدو امام الظهور الامريكي البارز فلهيك عملت هالحركة حتى تثبت للعالم العربي انها لسى بتنفع كحليف...ان صح التعبير... كمان حتى تثبت لامريكا انو الها حلفاء و هي الدول اللي اعترفت بالدولتين في القمة اللي انعقدت مؤخرا
اما عن سوريا هلا في تهديد واضح بالعريض من امريكا على سياسة الاسد...يعني الحليف القوي اللي كل العرب بتعتد فيه للاسف , اجا ضد سوريا فكان ضروري من سوريا انها تعمل علاقات او بالاحرى تقويها مع روسيا لانها القطب التاني اللي بيملك ترسانة نووية و لسى الو تاريخ عداوة مش بعيد مع امريكا...فما لازم ننسى انو روسيا قوة كمان بس انها تكون ارق و احن من امريكا مستحيل...ليش؟!!! لانو المطامع وحدة روسيا او امريكا تنيناتهم عم يخدمو مصالحهم... بس شو هي مصالح سوريا او اي دولة عربية مع روسيا او امريكا !!!؟؟
لا احترم الاّ الحق, و لا اقدّس الاّ الله, و لا اخضع الاّ للواجب, و لا اخدم الاّ الوطن
|