[dimozi]

الاسئلة:

ا- اسئلة عامة:
أ- شو رأيك بأخوية اليوم؟ جاوبت والله سابقاً
ب- شو رأيك بالمجتمع ؟أي واحد ؟؟ تبعنا ؟؟؟ ولا بشكل عام ؟؟؟ مجتمعنا مترنح جدا
ج- وين الديمقراطية اليوم؟في تراجع مستمر , في أغلب بقاع العالم
د- حقوق الانسان ببلادنا؟ متل حقوق الحيوان بألمانيا

2- اسئلة خاصة:
أ- شو سر النك نيم (ديموزي)؟ ديموزي هو إله الخصب السوري , بحب الميثولوجيا كتير و خاصة السورية .
ب- علاقتك بأهلك؟ عادية جدا , مافي مشاكل غالباً
ج- قصة الحب و وضعك مع الحبيب؟مافي حاليا لا قصة ولا حبيب
د- مين أقرب الناس الك؟ ديموزي كتير قريب مني , أحياناً بحسو أنا يا زلمي
ه- ستايل لبسك؟ بنطلون جينز و كنزة أو قميص
و-اوصف شكلك؟يعني إلي أجرتين و أيدتين و عينتين ما بيشوفو كتير, بالمختصر أنسان ما بفرق عن أي حدا عا الكوكب غير أنو حمصي
ز- نوع دخانك؟ما بدخن
ح - سيارتك؟منين يا حسرة
ط - موبايلك؟ نسيت شو رقمو , بس نوكيا

3- علاقتك بما يلي:
أ- الله ........... ما في علاقة منوب
ب- السكر............... مع الجمعة الحلوة لازم
ج- الجنس اللطيف ................ زي علاقتي بحضرتك يعني
د- الاحزاب .................... ما بتطبق أفكاري مع أي حزب موجود بسوريا حالياً
ه-السهر ..................... الليل مش للنوم أصل الليل للسهر ................. و فيروز دايماً صح
و- الدراسة والعلم ........... منيح اللي خلصنا
ز- العائلة............... منيحة يعني , عادي
ح- الاصدقاء ................ ممتازة
ط-الطائفية والعنصرية. علاقتي فيهن ؟؟؟ زي علاقتي بحضرتك يعني

4- لو:
1- فيك ترجع على الحياة انسان واحد مين بتختار؟ المرحومة ستي
2- 3 طلبات من مارد المصباح؟ طلب واحد بيكفي , شي مليار دولار
3- تغير شغلة بالعالم؟ لو كان الفقر رجلاً لقتلته
4- تطلب طلب يتنفذ من الله؟ يعتذر رسمياً عن كل الجرائم اللي ارتكبت بأسمو


5- رأيك بهالشخصيات:

1- السيد حسن نصر الله: مقاوم
2- أحمدي نجاد: هو بيشد و غيرو بيرخي ............ سياسة
3- ايميل لحود: فاشل
4- رفيق الحريري: الزلمي مات والله ما حابب أحكي عليه
5- السيدة فيروز: ملاك مو بشر
6- نزار قباني : يعني كنت أكرهو لأنو ما بيطلع معي متلو
7- صدام حسين : ديكتاتور و مجرم بس مات و هو عم يحارب لبلدو , مع أنو ما بيشفعلو ما كان لازم يموت هيك
8- جورج بوش: حمار
9- ياسر عرفات: ميت ما بدي أحكي عليه بالعاطل ,بس أنو جرب يتذاكا بس ما مشي حالو
10- اسماعيل هنية: بستغرب أنو عم يشوف كل ها المآسي ولسا مصر يتمسك بالحكم
11- مارسيل خليفة: بحب مقطوعاتو كتير
12- هيفا وهبي : ههههههههههههههه جد بضحك لما بشوفا, عليها و عا البشر
13-نجوى كرم : حاج جعير
14-هتلر : قلت من قبل
15-صلاح الدين الايوبي: سياسي
16-الانبياء والرسل: خليني ساكت أحسن
17-جيفارا: قلت من قبل
18-داروين : لو كان العلم عا دورو بيساعدو كان سكت كتير ناس
19-السيدة أسماء الاسد : ما بعرف عننا شي يخليني أعطي رأي
20-اسامة بن لادن : مجرم و جبان

كفاها الله الحمدلله